આ સ્કૂટર 20 હજાર રૂપિયા સસ્તું થઈ ગયું! કેશબેક ઓફર સાથે મળી રહ્યું છે બંપર ડિસ્કાઉન્ટ

Electric Scooter Cash Backs Offer: TVS iQube ઇલેક્ટ્રિક સ્કૂટર પર બંપર ડિસ્કાઉન્ટ આપવામાં આવી રહ્યું છે. આ ફેસ્ટિવલ સીઝનમાં આ ઈવીની કિંમત 20 હજાર રૂપિયા સુધી ઘટી ગઈ છે.

આ સ્કૂટર 20 હજાર રૂપિયા સસ્તું થઈ ગયું!

Source : tvs

TVS iQube Discount Offer: TVS મોટર ઈન્ડિયા તેના iQube લાઈન અપ પર બંપર ઓફર લઈને આવી છે. TVS iQube ના કેટલાક વેરિયન્ટ્સ પર ડિસ્કાઉન્ટ અને કેશબેક ઓફર આપવામાં આવી રહ્યું છે. આ ઓફરને કારણે ઇલેક્ટ્રિક સ્કૂટરની ખરીદી પર 20 હજાર રૂપિયા સુધીની બચત કરી શકાય છે. TVS ની આ ઓફર આ મહિનાની છેલ્લી તારીખ 31 ઓક્ટોબર, 2024 સુધી માટે આવી છે.

TVS iQube પર ડિસ્કાઉન્ટ ઓફર

TVS iQube તેના ઇલેક્ટ્રિક સ્કૂટરની રેન્જ પર સ્પેશિયલ ડીલ લઈને આવી છે. TVS ના ઇલેક્ટ્રિક સ્કૂટરની યાદીમાં iQube 2.2 kWh, iQube 3.4 kWh અને iQube S 3.4 kWh મોડેલ સામેલ છે. TVS iQube 2.2 kWh પર 17,300 રૂપિયા સુધીનું ડિસ્કાઉન્ટ આપવામાં આવી રહ્યું છે. જ્યારે iQube 3.4 kWh સ્કૂટર પર 20 હજાર રૂપિયા સુધીનું ડિસ્કાઉન્ટ ઓફર સામેલ છે. પરંતુ iQube S 3.4 kWh પર કોઈ ડાયરેક્ટ કેશ ડિસ્કાઉન્ટ આપવામાં આવી રહ્યું નથી.

TVS iQube ની પાવર

TVS iQube ના ઇલેક્ટ્રિક સ્કૂટરમાં જે મોટર લાગેલી છે, તેનાથી 4.4 kW ની પીક પાવર મળે છે અને 140 Nm નો પીક ટોર્ક મળે છે. TVS નું આ સ્કૂટર ત્રણ બેટરી પેક સાથે માર્કેટમાં મળી રહ્યું છે. તેમાં 2.2 kWh, 3.4 kWh અને 5.1 kWh નો બેટરી પેક સામેલ છે.

TVS ના સ્કૂટરની રેન્જ

TVS iQube ના 2.2 kWh ના બેટરી પેકથી સિંગલ ચાર્જિંગમાં 75 કિલોમીટરની રેન્જ મળે છે. આ ઈવીને 0 થી 80 ટકા સુધી ચાર્જ થવામાં 2 કલાક 45 મિનિટનો સમય લાગે છે. જ્યારે TVS iQube ના 3.4 kWh ના બેટરી પેકથી 100 કિલોમીટરની રેન્જ મળે છે. આ સ્કૂટરને ચાર્જ કરવામાં 4 કલાક 30 મિનિટનો સમય લાગે છે.

TVS iQube ની કિંમત

TVS iQube ના 2.2 kWh વાળા બેટરી પેકના સ્કૂટરની શરૂઆતની કિંમત 89,999 રૂપિયા થઈ ગઈ છે. જ્યારે iQube 3.4 kWh ની સ્ટાર્ટિંગ પ્રાઈસ 1,26,628 રૂપિયા થઈ ગઈ છે. આ ઇલેક્ટ્રિક સ્કૂટર મોનોટોન અને ડ્યુઅલ ટોન બંને વેરિયન્ટમાં આવી રહ્યું છે. આ ઈવીમાં 7 ઇંચની કલર TFT ડિસ્પ્લે લાગેલી મળે છે.

આ પણ વાંચોઃ