Jioને ટક્કર આપવા એરસેલ લાવ્યું મહાપ્લાન, અઢી રૂપિયાથી પણ ઓછી કિંમતમાં મળશે ઇન્ટરનેટ

જિઓ આવ્યા બાદથી અન્ય કંપનીઓ પણ આ જ રીતે ઓફર રજૂ કરી ચૂકી છે. એરટેલ, વોડાફોન અને આઈડિયા સેલ્યુલરે પણ 84 દિવસમાં 84 જીબી ડેટાવાળા પ્રીપેડ પ્લાન રજૂ કર્યા છે. 399 રૂપિયાની જિઓ ધન ધના ધન ઓફરમાં ગ્રાહકોને 84 દિવસ સુધી 84 જીબી ડેટા મળે છે. પરંતુ સ્પીડ 4જી છે. દરરોજ 2 જીબી ડેટા માટે ગ્રાહકોએ 509 રૂપિયાવાળો પ્લાન લેવો પડશે. પરંતુ તેની વેલિડિટી 56 દિવસની છે.

એરસેલના 419 રૂપિયાના પ્લાનની વાત કરીએ તો રિલાયન્સના પ્લાનની તુલનામાં આ કિંમત લગભગ અડધી છે. અહીં 84 દિવસ સુધી દરરોજ 2 જીબી ડેટા પ્રમામે 168 જીબી ડેટા મળશે. જ્યારે રિલાયન્સ જિઓ 399 રૂપિયામાં 84 દિવસ માટે 84 જીબી ડેટા આપી રહ્યં છે. એવામાં એરસેલ માત્ર 2.5 રૂપિયાથી પણ ઓછી કિંમતમાં ઇન્ટરનેટની સુવિધા આપી રહ્યું છે. જ્યારે રિલાયન્સ પર આ જ પ્લાન 5 રૂપિયા પ્રમાણે છે. જોકે તફાવત સ્પીડનો છે. રિલાયન્સ એક બાજુ 4જી વોલટી સર્વિસ આપી રહ્યું છે ત્યારે એરસેલ ડેટા નેટવર્ક પર તમને 3જી અથવા 2જીની સ્પીડ મળશે.