Gandhinagar Protest News: ગાંધીનગરમાં વન કર્મચારીઓનો વિરોધ, ગ્રેડ પે સહિત 5 પડતર પ્રશ્નોનો ઉકેલ ક્યારે?
ગુજરાતમાં વનરક્ષક અને વનપાલ કર્મચારીઓની હડતાળ આજે ચોથા દિવસે પણ ચાલુ છે. રાજ્યભરના કર્મચારીઓ પોતાની પાંચ પડતર માંગણીઓ માટે ગાંધીનગરની સત્યાગ્રહ છાવણીમાં ધરણા કરી રહ્યા છે. તેમની મુખ્ય માંગણીઓમાં ગ્રેડ પેની વિસંગતતા દૂર કરવી, રિસ્ક એલાઉન્સ આપવું, પોલીસની જેમ રજા પગાર આપવો, લાંબા સમયથી અટકેલી બદલીની અરજીઓનો ઉકેલ લાવવો અને વન વિભાગમાં કર્મચારીઓની સંખ્યા વધારવી સામેલ છે.
આંદોલનમાં મહિલા કર્મચારીઓ પણ પોતાના બાળકો સાથે જોડાઈ છે. કર્મચારીઓના જણાવ્યા મુજબ, હજુ સુધી સરકાર તરફથી ચર્ચા માટે કોઈ બોલાવવામાં આવ્યા નથી. કર્મચારીઓએ ચેતવણી આપી છે કે માંગણીઓ નહીં સ્વીકારાય ત્યાં સુધી આંદોલન ચાલુ રહેશે. તેમને આશા છે કે સરકાર દિવાળી પહેલાં યોગ્ય નિર્ણય લેશે.




















