એપલ 25 હજારમાં બનતા ફોન વેચે છે 1 લાખમાં, ઉંચી નફાખોરીના જોરે 3 માસમાં જ 1300 અબજનો નફો, જાણો વિગત

એપલ કંપનીએ ૨૦૧૭ના છેલ્લા ત્રણ મહિનામાં ૨૦ અબજ ડોલર (એટલે કે રૂપિયા ૧૨૮૩ અબજ)નો નફો નોંધાવ્યો છે. એપલના ઈતિહાસનો આ સૌથી મોટો નફો છે. આ ગાળામાં કંપનીની આવક ૮૮.૩ અબજ ડોલર (૫૬૬૩.૭૮ અબજ રૂપિયા) થઇ હતી. ખાસ વાત તો એ છે કે, આઈફોનનું વેચાણ ઘટવા છતાં એપલની આવક વિક્રમજનક રીતે વધી છે. કંપનીએ પોતાની આગેકૂચ કોઈ રીતે અટકવા દીધી નથી.

નવી દિલ્હીઃ ટેકનોલૉજીની દુનિયામાં નંબર વનની પૉઝિશનમાં રહેલી એપલે માત્ર ત્રણ મહિનામાં જ જબરદસ્ત 1300 અબજનો નફો રળી દીધો છે. આની પાછળ કંપનીની નફાની સ્ટ્રેટેજી કામ કરી રહી છે. કહેવાય છે કે, એપલ 25 હજારમાં બનતો આઇફોન 1 લાખ રૂપિયામાં વેચે છે, જે ઉંચા નફાખોરીનું પ્રમાણ છે.