GSTના કારણે પરણવું થયું મોંઘું, લગ્નનો ખર્ચ 15 ટકા વધી જશે, જાણો કઈ રીતે વધશે ખર્ચનો બોજ?

નવી દિલ્હી: વિતેલા વર્ષે લગ્નની સીઝનમાં થયેલ નોટબંધી અને 1 જુલાઈથી લાગુ થયેલ જીએસટીની અસર પણ લગ્નની સીઝન પર જોવા મળશે. નવેમ્બરમાં લગ્નની સીઝન શરૂ થ રહી છે. એસોચેમે કહ્યું કે, લગ્ન માટે હોલ/ગાર્ડન બુકિંગ, ટેન્ટ બુકિંગ, ફોટોગ્રાફી જેવી લગ્નની સેવા પર નોટબંધી અને જીએસટીની ઓછામાં ઓછી 10થી 15 ટકાની અસર થશે.

એસોચેમે કહ્યું છે કે, નોટબંધી અને જીએસટીને કારણે જવેલરી અને અન્ય સામગ્રી, ફોટોગ્રાફી, મેરેજ હોલ જેવી સેવા માટે પહેલા કરતાં વધારે ખર્ચ કરવો પડશે. જીએસટીના કારણે અનેક સેવાઓ મોંઘી થઈ ગઈ છે જેના કારણે લગ્નનો સરેરાશ ખર્ચ વધી જશે. લગ્ન સાથે જોડાયેલી અનેક સેવાઓ પર જીએસટી રેટ ૧૮થી ૨૮ ટકા સુધી છે, જે જીએસટી લાગુ થતા પહેલાં ઓછો હતો.