BMWએ 10 લાખથી વધારે કાર પરત ખેંચી, કારણ જાણીને ચોંકી જશો, જાણો વિગત

બીએમડલબ્યૂના કહેવા મુજબ ડીઝલ કારમાં ગ્લાઇકોલ કૂલિંગ ફ્લૂડ લીક થતું હોવાની આશંકા છે. જેના કારણે આગ લાગવાનો ખતરો રહે છે. કંપની આ ખામી શોધીને તેને દૂર કરશે. જરૂર પડવા પર પાર્ટ્સ પણ બદલવામાં આવશે. કંપનીના કહેવા મુજબ તેનાથી ગ્રાહકો માટે કોઈ ખતરો નથી. પરંતુ સાવધાની રાખવા માટે ગાડીની તપાસ કરવામાં આવશે. ગ્રાહકોનો ભરોસો કાયમ માટે જળવાઈ રહે તેમ કંપની ઈચ્છતી હોવાથી કાર રિકોલનો નિર્ણય લેવાયો છે.

બીએમડબલ્યૂએ ઓગસ્ટમાં યુરોપ સહિત કેટલાક એશિયન દેશમાંથી 4.80 લાખ કાર રિકોલ કરી હતી. આ કારમાં ફાયર એક્ઝોસ્ટ સિસ્ટમની ખામી હતી. દક્ષિણ કોરિયામાં ચાલુ વર્ષે કારમાં આગ લાગવાની 30 ઘટના બની ચુકી છે. આ માટે કંપની ગ્રાહકોની માફી પણ માંગી ચુકી છે.