JIO બાદ હવે Idea રિચાર્જ પર આપી રહ્યું છે 100% કેશબેક, જાણો સમગ્ર ઓફર

જિયો પોતાના 399 રૂપિયાના રિચાર્જ પર 2,599 રૂપિયા સુધી કેશબેક આપી રહી છે. આ કેશબેક માત્ર ઓનલાઈન રિચાર્જ પર જ મળશે. 2599 રૂપિયાનું કેશબેક એકસાથે ન મળીને ઘણા હિસ્સામાં મળશે. જેમાં 8 વખત 50 રૂપિયાનું વાઉચર અને 1000 રૂપિયાના યાત્રા વાઉચર તો 500 રૂપિયાના ટ્રેન્ડ્સના વાઉચર મળે છે.

આઈડિયાએ આ વર્ષે 357 રૂપિયાના રિચાર્જ પર યુઝરને અનલિમિટેડ લોકલ એસટીડી અને રોમિંગના કોલ કરવાની સુવિધા આપી છે. આ ઉપરાંત રોજના 1.5GB હાઈસ્પીડ ડેટા પણ મળે છે. સાથે જ રોજના 100 મેસેજ પણ મળશે. ડેટા માટે એક શરત છે જે મુજબ યુઝર માય આઈડિયા એપથી અથવા વેબસાઈટથી રિચાર્જ કરશે તો તેને રોજનું 1.5GB ડેટા મળશે અને અન્ય કોઈ માઘ્યમથી કરશે તો રોજના 1GB ડેટા મળશે. આ પ્લાનની વેલિડિટી 28 દિવસની છે.