BSNLની બમ્પર ઓફર, 666 રૂપિયામાં અનલિમિટેડ કોલની સાથે મળશે 120 જીબી ડેટા

કંપનીએ એક નિવેદનમાં જણાવ્યું કે, તેણે બીએસએનલ ચૌકા ઓફર રજૂ કરી છે, જે વાસ્તવમાં 90 દિવસ સુધી અનલિમિટેડ ડેટાની સુવિધા આપશે. કંપનીએ દાવો કર્યો છે કે, આ દેશભરમાં કોઈપણ કંપની દ્વારા દરરોજ ડેટા મર્યાદાની સૌથી મોટી ઓફર છે.

આ યોજના અંતર્ગત 1 જીબી 3જી મોબાઈલ ડેટાની કિંમત 1 રૂપિયાથી પણ ઓછી હશે જે ટેલિકોમ સેક્ટરમાં સૌથી ઓછી છે. બીએસએનલના કન્ઝ્યૂમર મોબિલિટી ડાયરેક્ટરે કહ્યું કે, અમે તમામ મોબાઈલ ગ્રાહકોને સસ્તી અને સારી સેવા આપવા માટે પ્રતિબદ્ધ છીએ. ટેલિકોમ સેક્ટરમાં હાલના ટ્રેન્ડને ધ્યાનમાં રાખતા પોતાના ગ્રાહકોને બેસ્ટ પ્રાઈઝ ઓફર કરી રહ્યા છીએ.