PNBની હોમ અને કાન લોન થઈ સસ્તી, પ્રોસેસિંગ ફી અને ડોક્યુમેન્ટ ચાર્જ આપવા નહીં પડે

મંગળવારે જ કેન્દ્ર સરકારે બેંકોમાં રીકેપિટલાઈઝેશન કાર્યક્રમ અંતર્ગત સરકારી બેંકોમાં 2 લાખ કરોડ રૂપિયાથી વધારેના રોકાણની જાહેરાત કરી છે, સરકારના આ પ્રયત્નથી સરકારી બેંકોની લોન આપવાની ક્ષમતામાં વધારો થશે સરકારી બેંકોમાં સ્ટેટ બેંક અને બેંક ઓફ બરોડા બાદ પંજાબ નેશનલ બેંક ત્રીજી સૌથી મોટી બેંક છે. સરકારની આ સ્કીમથી બેંકોને પણ ફાયદો થશે.

નવી દિલ્હીઃ દેશની મોટી સરકારી બેંક પંજાબ નેશનલ બેંકની હોમ અને કારલોન સસ્તી થઈ ગઈ છે. બેંકે જાહેરાત કરી કે જે ગ્રાહક બેંકમાંથી કાર લોન, હોમ લોન કે પછી ટૂ વ્હીલ લોન લેવા માટે કોઈપણ પ્રકારની પોરેસિંગ ફી વસૂલવામાં નહીં આવે સાથે જ ગ્રાહકોએ ડોક્યુમેન્ટેશન ચાર્જીસ પણ આપવા નહીં પડે. બેંક અનુસાર આ ઓફર 31 ડિસેમ્બર સુધી દેશભરમાં લાગુ રહેશે. આ સ્કીમ 1 ઓક્ટોબરથી દેશભરમાં લાગુ થઈ ગઈ છે.

સામાન્ય રીતે પીએનબી 3 કરોડ રૂપિયા સુધીનો લોન પર કુલ લોનની કિંમત પર 0.5 ટકા પ્રોસેસિંગ ફી વસૂલે છે, જોકે વધુમાં વધુ આ ફી 20,000 રૂપિયા સુધી હોઈ શકે છે. લોનની રકમ જો 3 કરોડથી વધારે હોય તો બેંકની પ્રોસેસિંગ ફી વધીને 50,000 રૂપિયા થઈ જાય છે. ડોક્યુમેન્ટેશન ચાર્જીસના નામે બેંક ગ્રાહકો પાસેથી 1350 રૂપિયા વસૂલે છે.