2017થી વીજળીના બિલમાં થશે 500થી 1300નો વધારો, જાણો શું છે કારણ

ઈકરા રેટિંગ્સના સિનિયર વાઈસ પ્રેસિડેન્ટ સબ્યસાચી મજુમદારે ઈટીને જણાવ્યું કે, આ નવા નિયમોના અનુપાલન માટે વીજ ઉત્પાદકોએ મેગાવોટ દીઠ 60 લાખથી 1 કરોડ સુધીનું મૂડી રોકાણ કરવાની જરૂર પડશે જેની કુલ રકમ અંદાજે 1.2 લાખ કરોડ જેટલી થવા જાય છે. આ ખર્ચના પગલે વીજ ઉત્પાદનના ખર્ચમાં યુનિટ દીઠ 13-22 પૈસા સુધીનો વધારો થશે. પર્યાવરણ અને વન મંત્રાલય દ્વારા ડિસેમ્બર 2015માં થર્મલ પાવર પ્રોડ્યુસર્સ માટે ઉત્સર્જનના સુધારેલા નિયમો જારી કર્યાં હતાં.

નવા નિયમોના પાલન માટે થર્મલ પાવર કંપનીઓ આગામી 2-3 વર્ષમાં આશરે 1.2 લાખ કરોડ રૂપિયાનો ખર્ચ કરશે તેમ રિટિંગ એજન્સી ઈકરાએ જણાવ્યું છે. થર્મલ પાવર કંપનીઓને તેમનો આ ખર્ચ ગ્રાહકો પર નાખવાની છૂટ હોવાથી વીજગ્રાહકોને યુનિટ દીઠ 13થી 22 પૈસા વધુ ચૂકવવા પડશે.