રિલાયન્સ જિઓ DTH સર્વિસ લોન્ચ નહીં કરે, જાણો શું છે કારણ

નવી દિલ્હીઃ વર્ષ 2016માં લોન્ચની સાથે રિલાયન્સ જિઓએ ટોલીકોમ ઉદ્યોગમાં તહેલકો મચાવી દીધો હતો. કંપનીએ લોન્ચ ઓફરમાં 6 મહિના માટે યૂઝર્સને ફ્રી ડેટા અને કોલ ઉપલબ્ધ કરાવ્યા હતા. તેની સાથે જ જિઓએ અન્ય ઉદ્યોગમાં એન્ટ્રી કરવાની અફવાઓએ પણ જોર પકડ્યું હતું. લાંબા સમયથી અહેવાલ હતા કે રિલાયન્સ જિઓ પોતાની ડીટીએચ સેવા ટૂંકમાં જ શરૂ કરવા જઈ રહી છે પરંતુ હવે અહેવાલ મળી રહ્યા છે કે ડીટીએચ સર્વિસ લોન્ચ નહીં કરે.

મીડિયા અહેવાલ અનુસાર કંપની તરફથી DTH સર્વિસ લોન્ચ ન કરવાનો નિર્ણય કરવામાં આવ્યો છે. આ નિર્ણય એટલા માટે લેવામાં આવ્યો છે કારણ કે આ સર્વિસ લોન્ચ થતાં પહેલા જ તેને લઈને અનેક સ્કેમ ચલાવવામાં આવી રહ્યા છે.

હાલમાં જ એક મેસેજ વાયરલ થયો હતો, જેમાં ‘10 રૂપિયામાં જિઓ આપી રહ્યું છે પ્રથમ 1000 ગ્રાહકોને આજીવન ડીટીએચ ફ્રી, આજેજ કરાવો રજિસ્ટ્રેશન’ એવો દાવો કરવામાં આવતો હતો.

ત્યાં સુધી કે હેકર્સે Jio.com જેવી દેખાતી એક સ્પામ વેબસાઈટ http://jiodevices.online/Booknowની લિંક આપી છે. આ વેબસાીટ લિંક દ્વારા યૂઝર્સની જાણકારી ચોરવામાં આવી રહી હતી.

આ પહેલા પણ જિઓ DTHની એક કથિત તસવીર સામે આવી ચૂકી છે. જેને લઈને દાવો કરવામાં આવતો હતો કે જિઓ 360 ટીવી ચેનલ ઉપલબ્ધ કરાવશે જેમાં 50થી 60 ચેનલ એચડીમાં હશે.