સુઝુકીએ જાપાનમાં લોન્ચ કરી ઇગ્નિસ જેવી માઈક્રો એસયૂવી XBee, આ શું છે ખાસ

ઇન્ટીરિયરની વાત કરીએ તો સુઝુકી એક્સબીની કેબિન લગભગ મારુતિ ઇગ્નિસ જેવી જ છે. તેમાં નવા થ્રી-સ્પોક સ્ટીયરિંગ વ્હીલ, નવા ઇન્સ્ટ્રુમેન્ટ ક્લસ્ટર અને એરક્રાફ્ટ સ્ટાઈલવાળા ક્લાઈમેટ કન્ટ્રોલ સહિત અનેક ફીચર આપવામાં આવ્યા છે. આ પહેલા ટોક્યો મોટર શોમાં સુઝુકી સ્વિફ્ટ સ્પોર્ટ પણ રજૂ કરવામાં આવી હતી. જોકે સૌથી પહેલા સ્વિફ્ટના ફેસલિફ્ટ વેરિઅન્ટને ભારતીય બજારમાં ઉતારવાની ધારણા છે. કહેવાય છે કે, નવા વર્ષની શરૂઆતમાં ઓટો એક્સ્પો દરમિયાન તેને લોન્ચ કરવામાં આવી શકે છે.

સ્પેસિફિકેશનની વાત કરીએ તો તેમાં 1.0 લિટરનો ટર્બો ઇન્ટરકૂલ્ડ પેટ્રોલ એન્જિન છે. તેમાં સ્પોર્ટ અને સ્નો મોડની સાથે ઓલ-વ્હીલ-ડ્રાઈવ સિસ્ટમ આપવામાં આવી છે. ગ્રિપ કન્ટ્રોલ અને હિલ ડિસન્ટ કન્ટ્રોલ પણ તેમાં આપવામાં આવ્યા છે. રસપ્રદ એ છે કે તેમાં સુઝુકીની માઈલ્ડ હાઈબ્રિડ ટેક્નોલોજી પણ આપવામાં આવી છે.