ટૂંકમાં ભારતમાં લોન્ચ થશે વેસ્પા જીટીએસ સુપર 125 સ્કૂટર, એક્ટિવાને આપશે ટક્કર

ભારતમાં આ સ્કૂટરની ટક્કર હોન્ડા એક્ટિવા 125 અને સુઝુકી એક્સેસ, જ્યુપિટર વગેરે સાથે થઈ શકે છે. માએસ્ટ્રો એજ 125 પણ તેની સામે ટક્કર લેશે.

ટ્યુબલેસ ટાયર્સ, એલોય વ્હીલ્સવાળા આ સ્કૂટરમાં એબીએસ એટલે કે એન્ટી લોક બ્રેકિંગ પણ આપવામાં આવશે. સ્ટાઈલ, અન્ય ફીચર્સ અને કલર્સ ડીટેલ તેના અનવીલિંગ સમયે સામે આવશે.

આ સ્કૂટરમાં 125cc એન્જિન હશે જે 12.5ps નો પાવર અને 11.5 ન્યૂટર મીટર ટાર્ક જનરેટ કરશે. એટલું જ નહીં, આ સ્કૂટરને FI (ફ્યુઅલ ઈન્જેક્શન) ટેક્નોલીજીવાળું બનાવવામાં આવ્યું છે. સીવીટી ટ્રાન્સમિશનવાળા આ સ્કૂટરના બન્ને વ્હીલમાં ડિસ્ક બ્રેક હશે. આ સ્કૂટરની કિંમત 90,000ની આસપાસ હોઈ શકે છે.

નવી દિલ્હીઃ ઇટાલિયન વાહન નિર્માતા કંપની પિયાજિયો ભારતમાં પોતાનું એક નવું સ્કૂટર રજૂ કરવાની યોજના બનાવી રહી છે. આ નવા સ્કૂટરનું નામ વેસ્પા જીટીએસ સુપર 125 હશે અને કંપની તેને મેથી જૂનની વચ્ચે લોન્ચ કરી શકે છે. જોકે કંપનીએ તેના વિશે સત્તાવાર કોઈ જાહેરાત કરી નથી.