GST હેઠળ લાવ્યા બાદ પણ સસ્તા નહીં થાય પેટ્રોલ-ડીઝલ, જાણો શું છે કારણ

નાણાં સચિવે આશા વ્યક્ત કરી કે આવતા નાણાંકીય વર્ષ એટલે કે માર્ચ 2019માં રાજસ્વ મળવા પર જીએસટીથી થનારી કમાણીનો અંદાજો થવા પર જ આ કરવું શક્ય બનશે. જીએસટી કાઉન્સિલ હવે પછીની બેઠકમાં પણ પેટ્રોલ-ડીઝલને જીએસટી હેઠળ લાવવા પર વિચાર થઈ શકે છે.

એબીપી ન્યૂઝના ખાસ કાર્યક્રમ બજેટ સમ્મેલનમાં ટ્રાન્સપોર્ટ મંત્રી નિતિન ગડકરીને પેટ્રોલ-ડીઝલ વિશે પૂછવામાં આવ્યો તે તેમણે કહ્યું કે, રાજ્ય સરકાર સહમત ન હોવાને કારણે પેટ્રોલ-ડીઝલ જીએસટી હેઠળ ન સમાવવામાં આવ્યા. પરંતુ નાણાં સચિવ હસમુખ અઢિયાએ સ્પષ્ટતા કરી કે આવક કેન્દ્ર અને રાજ્ય બન્ને માટે જરૂરી છે માટે 28 ટકા જીએસટી લગાવીને પેટ્રોલ-ડીઝલ વેચવા શક્ય છે.