DRDO Recruitment 2022: Scientist ની જગ્યાઓ માટે ભરતીની જાહેરાત, જાણો કોણ કરી શકશે અરજી?

આ પોસ્ટ્સ માટે રસ ધરાવતા અને લાયક ઉમેદવારો સત્તાવાર વેબસાઇટ rac.gov.in પર જઈને ઓનલાઈન અરજી કરી શકે છે

પ્રતિકાત્મક તસવીર

ડીઆરડીઓ ભરતી 2022: રિક્રૂટમેન્ટ એન્ડ અસેસમેન્ટ સેન્ટર (RAC),  ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન(ડીઆરડીઓ)એ સાયન્ટિસ્ટ બી પોસ્ટની ભરતી માટે જાહેરનામું બહાર પાડ્યું છે. આ જગ્યાઓ માટે અરજી પ્રક્રિયા આજથી એટલે કે 6મી જુલાઈ 2022થી શરૂ થઈ ગઈ છે અને અરજી કરવાની છેલ્લી તારીખ 29મી જુલાઈ 2022 છે. આ ભરતી પ્રક્રિયા હેઠળ કુલ 630 જગ્યાઓ પર ભરતી કરવામાં આવશે. આ પોસ્ટ્સ માટે રસ ધરાવતા અને લાયક ઉમેદવારો સત્તાવાર વેબસાઇટ rac.gov.in પર જઈને ઓનલાઈન અરજી કરી શકે છે.આ જગ્યાઓ માટે ભરતી પરીક્ષા 16 ઓક્ટોબર 2022ના રોજ યોજાશે.

ખાલી જગ્યાઓ

જાહેર કરાયેલા નોટિફિકેશન મુજબ, આ પ્રક્રિયા દ્વારા સાયન્ટિસ્ટ બીની કુલ 630 ખાલી જગ્યાઓ પર ભરતી કરવામાં આવશે. જેમાં DRDO હેઠળ વૈજ્ઞાનિકની 579 જગ્યાઓ, એરોનોટિકલ ડેવલપમેન્ટ એજન્સીમાં 43 જગ્યાઓ અને વિજ્ઞાન અને ટેકનોલોજી વિભાગમાં 8 જગ્યાઓ સામેલ છે. GATE સ્કોર/લેખિત કસોટી અને ઇન્ટરવ્યુના આધારે આ પદો પર ભરતી માટે ઉમેદવારોની પસંદગી કરવામાં આવશે.

ઉંમર મર્યાદા

DRDOમાં વૈજ્ઞાનિકની જગ્યાઓ પર ભરતી માટે ઉમેદવારની મહત્તમ ઉંમર 28 વર્ષ નક્કી કરવામાં આવી છે. જ્યારે મહત્તમ વય મર્યાદા DST માં 35 વર્ષ અને ADA માં 30 વર્ષ છે. જો કે, સરકારના નિયમો મુજબ અનામત વર્ગના ઉમેદવારો માટે ઉચ્ચ વય મર્યાદામાં છૂટછાટ આપવામાં આવશે.

આ તારીખ સુધીમાં અરજી કરો

ઉમેદવારો 6 જુલાઈથી 29 જુલાઈ 2022 સુધી સત્તાવાર વેબસાઇટ rac.gov.in પર ઑનલાઇન અરજી કરી શકે છે. આ માટે જનરલ, અન્ય પછાત વર્ગો અને આર્થિક રીતે નબળા વર્ગના પુરૂષ ઉમેદવારોએ રૂ. 100 ની અરજી ફી જમા કરવાની રહેશે. વધુ માહિતી માટે તમે સત્તાવાર વેબસાઇટ પર તપાસ કરી શકો છો. અરજી કરતા પહેલા ઉમેદવારે સત્તાવાર નોટિફિકેશન તપાસવી આવશ્યક છે જેથી અરજી કરતી વખતે કોઈ ભૂલ ન થાય.