SBI Clerk Mains Result 2025: SBIએ જાહેર કરી ક્લાર્ક મેન્સ પરીક્ષાનું ફાઇનલ રિઝલ્ટ, આ રીતે કરી શકશો ચેક

SBI Clerk Mains Result 2025: ઘણા સમયથી સ્ટેટ બેન્ક ઓફ ઈન્ડિયામાં નોકરીનું સ્વપ્ન જોતા યુવાનો માટે એક સારા સમાચાર છે

પ્રતિકાત્મક તસવીર

Source : Duplicate branch of SBI

SBI Clerk Mains Result 2025:  ઘણા સમયથી સ્ટેટ બેન્ક ઓફ ઈન્ડિયા (SBI) માં નોકરીનું સ્વપ્ન જોતા યુવાનો માટે એક સારા સમાચાર છે. SBI ક્લાર્ક મેન્સ પરીક્ષા 2025નું ફાઇલ પરિણામ આખરે જાહેર થયું છે. એપ્રિલમાં આ પરીક્ષામાં બેઠેલા ઉમેદવારો હવે SBIની સત્તાવાર વેબસાઇટ sbi.co.in પર જઈને તેમના રોલ નંબર અથવા નામ દ્વારા પોતાનું પરિણામ ચકાસી શકે છે.

પરીક્ષા વિશે સંપૂર્ણ માહિતી

SBI ક્લાર્ક ભરતી પરીક્ષા બે તબક્કામાં લેવામાં આવી હતી. અગાઉ પ્રિલિમ પરીક્ષા 22, 27, 28 ફેબ્રુઆરી અને 1 માર્ચ 2025ના રોજ લેવામાં આવી હતી, જેનું પરિણામ 28 માર્ચે આવ્યું હતું. આ પછી મુખ્ય પરીક્ષા 10 અને 12 એપ્રિલના રોજ લેવામાં આવી હતી, જેમાં ઉમેદવારો પાસેથી કુલ 190 પ્રશ્નો પૂછવામાં આવ્યા હતા. આ પેપર 200 ગુણનું હતું અને 2 કલાક 40 મિનિટનો હતો. આ પરીક્ષામાં નેગેટિવ માર્કિંગ પણ લાગુ હતું, એટલે કે, દરેક ખોટા જવાબ માટે 1/4 ગુણ કાપવામાં આવ્યા હતા.

13,735 જગ્યાઓ પર ભરતી કરવામાં આવશે

આ વખતે SBI એ દેશભરમાં તેની શાખાઓમાં ક્લાર્કની જગ્યાઓ માટે કુલ 13,735 જગ્યાઓ બહાર પાડી હતી. આમાંથી 5870 જગ્યાઓ સામાન્ય શ્રેણી માટે, 1361 જગ્યાઓ EWS માટે, 3001 જગ્યાઓ OBC માટે, 2118 જગ્યાઓ SC શ્રેણી માટે અને 1385 જગ્યાઓ ST શ્રેણી માટે અનામત છે.

પરિણામ કેવી રીતે તપાસવું

સ્ટેપ-1: પરિણામ તપાસવા માટે ઉમેદવારોએ પહેલા સત્તાવાર સાઇટ sbi.co.in પર જવું જોઈએ.

સ્ટેપ 2: આ પછી ઉમેદવારોએ હોમપેજ પર Careers સેક્શન પર ક્લિક કરો.

સ્ટેપ 3: પછી ઉમેદવારો “SBI Clerk Final Result 2025” લિંક ઓપન કરો.

સ્ટેપ 4: હવે ઉમેદવારની સામે એક PDF ફાઇલ ખુલશે જેમાં બધા પસંદ કરેલા ઉમેદવારોના રોલ નંબર હશે.

સ્ટેપ 5: Ctrl+F દબાવો અને તમારો રોલ નંબર અથવા નામ લખો અને ચેક કરો.

સ્ટેપ 6: આ PDF ડાઉનલોડ કરો અને સેવ કરો.

જો તમે ગ્રેજ્યુએટ છો અને સરકારી નોકરી શોધી રહ્યા છો તો હવે તમારી રાહ જોવાનો અંત આવ્યો છે. સેન્ટ્રલ બેન્ક ઓફ ઈન્ડિયા યુવાનો માટે એક શાનદાર તક લઈને આવી છે. બેન્કે 4500 એપ્રેન્ટિસ પોસ્ટ્સ પર ભરતી માટે નોટિફિકેશન બહાર પાડ્યું છે. આ તક ખાસ કરીને એવા લોકો માટે છે જેઓ બેન્કિંગ ક્ષેત્રમાં પોતાની કારકિર્દી શરૂ કરવા માંગે છે.

આ ભરતી મારફતે તમને બેન્કમાં કામ કરવાની તક મળશે જ પરંતુ દર મહિને 15,000 રૂપિયાનું સ્ટાઈપેન્ડ પણ આપવામાં આવશે, જેથી તમે તમારા અભ્યાસ અથવા અન્ય જરૂરિયાતોનો ખર્ચ સરળતાથી ચલાવી શકો. આ ભરતી માટે અરજી પ્રક્રિયા સેન્ટ્રલ બેન્ક ઓફ ઈન્ડિયાની વેબસાઇટ www.centralbankofindia.co.in પર શરૂ થઈ ગઈ છે. રસ ધરાવતા ઉમેદવારો 25 જૂન 2025 સુધી અરજી કરી શકે છે. અરજી કરતા પહેલા તમારે NATS પોર્ટલ પર નોંધણી કરાવવી પડશે, કારણ કે રજિસ્ટ્રેશન વગરની અરજીઓ સ્વીકારવામાં આવશે નહીં.