UPSC NDA 2022: UPSC NDA પરીક્ષા માટે અરજી પ્રક્રિયા શરૂ, 11 જાન્યુઆરી સુધી ફોર્મ ભરી શકાશે

નેશનલ ડિફેન્સ એકેડમી (NDA) 2022 ની ભરતી માટે યુનિયન પબ્લિક સર્વિસ કમિશન દ્વારા જારી કરાયેલ સૂચના અનુસાર, 400 ખાલી જગ્યાઓની ભરતી માટે પરીક્ષા લેવામાં આવશે.

પ્રતિકાત્મક તસવીર

UPSC, National Defence Academy Recruitment 2022: યુનિયન પબ્લિક સર્વિસ કમિશન (UPSC) NDA 2022 ની ભરતી પ્રક્રિયા શરૂ થઈ ગઈ છે. આ ભરતી પ્રક્રિયા હેઠળ, યુનિયન પબ્લિક સર્વિસ કમિશન દ્વારા ભારતીય સેના, ભારતીય નૌકાદળ અને વાયુસેનામાં કુલ 400 ખાલી જગ્યાઓ ભરવાની છે. જે ઉમેદવારો UPSC NDA 2022 ભરતી માટે અરજી કરવા માગે છે તેઓએ સત્તાવાર વેબસાઇટ upsconline.nic.in પર જઈને નોંધણી કરાવવી જોઈએ. UPSC NDA 2022 ની નોંધણી પ્રક્રિયા 22 ડિસેમ્બરથી શરૂ થઈ ગઈ છે. જે 11 જાન્યુઆરી 2022 સુધી ચાલશે.

ખાલી જગ્યા માહિતી

નેશનલ ડિફેન્સ એકેડમી (NDA) 2022 ની ભરતી માટે યુનિયન પબ્લિક સર્વિસ કમિશન દ્વારા જારી કરાયેલ સૂચના અનુસાર, 400 ખાલી જગ્યાઓની ભરતી માટે પરીક્ષા લેવામાં આવશે. આમાં 35 જગ્યાઓ મહિલા ઉમેદવારો માટે છે. નેશનલ ડિફેન્સ એકેડમી (NDA) 2022 ભરતી પરીક્ષા યુનિયન પબ્લિક સર્વિસ કમિશન દ્વારા 10 એપ્રિલના રોજ લેવામાં આવશે. જે ઉમેદવારો લેખિત પરીક્ષા પાસ કરશે તેમની શારીરિક કસોટી પણ થશે. જો ઉમેદવાર શારીરિક અને તબીબી રીતે યોગ્ય ન જણાય તો, તેને પસંદ કરવામાં આવશે નહીં.

અરજી પ્રક્રિયા

યુનિયન પબ્લિક સર્વિસ કમિશનની વેબસાઇટ https://upsconline.nic.in પર જઈને અરજી ફોર્મ ભરી શકાય છે. ઓનલાઈન અરજી ફોર્મ બે ભાગમાં ભરવાનું રહેશે. જે રજીસ્ટ્રેશન પાર્ટ-1 અને રજીસ્ટ્રેશન પાર્ટ-2 હશે. નોંધણી ભાગ-1 માં, ઉમેદવારે સામાન્ય માહિતી ભરવાની રહેશે. જ્યારે રજીસ્ટ્રેશન-2 હેઠળ ઉમેદવારોએ ફોટો, સહી, ફોટો ઓળખ કાર્ડ દસ્તાવેજો અપલોડ કરવાના રહેશે. તેમજ પરીક્ષા કેન્દ્ર પસંદ કરવાનું રહેશે.

ઉમેદવારો બેંક ક્રેડિટ / ડેબિટ કાર્ડ / નેટ બેંકિંગ સુવિધા દ્વારા એપ્લિકેશન ફી ચૂકવી શકે છે. આ સિવાય SBI બેંકમાં રોકડ ચલણ દ્વારા પણ ચુકવણી કરી શકાય છે.

NDA એડમિટ કાર્ડ પરીક્ષાની તારીખના ત્રણ અઠવાડિયા પહેલા આપવામાં આવશે. એડમિટ કાર્ડ સત્તાવાર વેબસાઇટ પર જારી કરવામાં આવશે.