રેલવેમાં નોકરી માટેની સારી તક, જો તમે આ વિષયમાં ડિગ્રી કે ડિપ્લોમા કર્યું છે તો અરજી કરી શકશો

નોંધનીય છે કે કુલ 20 જગ્યાઓ માટે અરજી મંગાવવામાં આવી છે.

Indian_Railways

 રેલવેમાં નોકરી મેળવવા એન્જિનિયરિંગમાં ગ્રેજ્યુએશન અથવા ડિપ્લોમા કરેલા ઉમેદવારો માટે સારી તક છે. પશ્ચિમ મધ્ય રેલવે (WCR) એ ટેકનિકલ એસોસિયેટની જગ્યા માટે અરજીઓ મંગાવી છે. આ જગ્યાઓ માટે અરજી પ્રક્રિયા શરૂ થઈ ગઈ છે. લાયકાત ધરાવતા ઉમેદવારો સત્તાવાર વેબસાઇટ wcr.indianrailways.gov.in દ્વારા 17 માર્ચ સુધી અરજી કરી શકશે. આ જગ્યાઓ માટે અરજી કરવાની પ્રક્રિયા 3 માર્ચથી શરૂ કરવામાં આવી હતી. નોંધનીય છે કે કુલ 20 જગ્યાઓ માટે અરજી મંગાવવામાં આવી છે.

ખાલી જગ્યાઓની સંખ્યા

 સિનિયર ટેકનિકલ એસોસિયેટ-10 જગ્યાઓ.

જુનિયર ટેકનિકલ એસોસિયેટ - 10 પોસ્ટ્સ.

પાત્રતા

સિનિયર ટેકનિકલ એસોસિયેટ પોસ્ટ્સ માટે અરજી કરવા ઇચ્છુક ઉમેદવારો પાસે કોઈપણ માન્ય યુનિવર્સિટીમાંથી સિવિલ એન્જિનિયરિંગમાં સ્નાતકની ડિગ્રી હોવી જોઈએ. તે જ રીતે જુનિયર ટેકનિકલ એસોસિયેટની પોસ્ટ માટે ઉમેદવારોએ સિવિલ એન્જિનિયરિંગમાં ડિપ્લોમા કર્યું હોવું જોઇએ.

ઉંમરની મર્યાદા

સિનિયર ટેકનિકલ એસોસિયેટની જગ્યાઓ માટે અરજી કરવા ઇચ્છુક ઉમેદવારની ઉંમર 21 થી 35 વર્ષની વચ્ચે હોવી જોઈએ. જ્યારે જુનિયર ટેકનિકલ એસોસિયેટની પોસ્ટ માટે ઉમેદવારની ઉંમર 18 થી 33 વર્ષની વચ્ચે હોવી જોઈએ. વય મર્યાદામાં OBC કેટેગરીના ઉમેદવારો માટે 3 વર્ષની અને SC અને ST કેટેગરીના ઉમેદવારો માટે 5 વર્ષની છૂટ છે.

પસંદગી પ્રક્રિયા

ઉમેદવારોની પસંદગી સ્ક્રીનીંગ દ્વારા કરવામાં આવશે. આ ભરતી સંબંધિત અન્ય માહિતી માટે, ઉમેદવારો જાહેર કરેલ સત્તાવાર નોટિફિકેશનને ચેક કરી શકે છે.