Exit Poll 2024: શું 'INDIA' ગઠબંધન માટે હજુ પણ બાકી છે આશા... જાણો ક્યારે ક્યારે ખોટા પડ્યા છે એક્ઝિટ પોલ?
Exit Poll 2024: એબીપી ન્યૂઝ-સીવોટર એક્ઝિટ પોલ મુજબ, એનડીએને 353-383 બેઠકો મળી શકે છે, ઇન્ડિયા ગઠબંધનને 152-182 બેઠકો અને અન્યને 4-12 બેઠકો મળી શકે છે
Lok Sabha Elections 2024 Exit Poll: લોકસભા ચૂંટણીના છેલ્લા તબક્કાનું મતદાન પૂર્ણ થયા બાદ એક્ઝિટ પોલના પરિણામો સામે આવ્યા છે. મોટાભાગના એક્ઝિટ પોલમાં નેશનલ ડેમોક્રેટિક એલાયન્સ (NDA)ને બહુમતી મળતી દેખાઈ રહી છે. જોકે, વિપક્ષે એક્ઝિટ પોલના પરિણામોને સ્વીકારવાનો ઈન્કાર કરી દીધો છે.
એબીપી ન્યૂઝ-સીવોટર એક્ઝિટ પોલ મુજબ, એનડીએને 353-383 બેઠકો મળી શકે છે, ઇન્ડિયા ગઠબંધનને 152-182 બેઠકો અને અન્યને 4-12 બેઠકો મળી શકે છે. પરંતુ દરેક વખતે એક્ઝિટ પોલના પરિણામો સાચા સાબિત થતા નથી. ઘણી વખત એક્ઝિટ પોલના આંકડા ખોટા સાબિત થયા છે.
જ્યારે એક્ઝિટ પોલના દાવા ખોટા સાબિત થયા
ઘણી વખત એક્ઝિટ પોલના આંકડા પણ ખોટા સાબિત થાય છે. તેનું સૌથી મોટું ઉદાહરણ 2004ની લોકસભા ચૂંટણી છે. આ લોકસભા ચૂંટણી બાદ તમામ એક્ઝિટ પોલમાં અટલ બિહારી વાજપેયીની ગઠબંધન સરકારની બનવાનો દાવો કરવામાં આવ્યો હતો. આ સમય દરમિયાન, તેમને 240-280 બેઠકો આપવામાં આવી રહી હતી, જ્યારે કોંગ્રેસના ગઠબંધનને 180-190 બેઠકો મળવાનો અંદાજ હતો. પરંતુ પરિણામો તદ્દન વિપરીત હતા. પરિણામોમાં ભાજપના ગઠબંધનને 181 બેઠકો મળી હતી જ્યારે કોંગ્રેસના ગઠબંધને 218 બેઠકો જીતીને સરકાર બનાવી હતી.
2009ની લોકસભા ચૂંટણીમાં પણ એક્ઝિટ પોલના ડેટા સાચા સાબિત થયા ન હતા. આ દરમિયાન તમામે ભાજપ અને કોંગ્રેસ ગઠબંધન વચ્ચે જોરદાર ટક્કરની આગાહી કરી હતી. પરંતુ પરિણામો આવ્યા બાદ કોંગ્રેસ ગઠબંધનને 262 બેઠકો મળી હતી જ્યારે ભાજપ 159 બેઠકો જીતવામાં સફળ રહી હતી.
2014ની લોકસભા ચૂંટણીમાં પણ એક્ઝિટ પોલ ઘણી હદ સુધી ખોટા સાબિત થયા હતા. બધાએ અનુમાન લગાવ્યું હતું કે એનડીએ ગઠબંધનને 270થી 280 બેઠકો મળશે, પરંતુ એનડીએને 336 બેઠકો મળી છે. એક્ઝિટ પોલ અને 2019ની લોકસભા ચૂંટણીના વાસ્તવિક પરિણામો વચ્ચે ઘણો તફાવત હતો. ત્યારે તમામ એક્ઝિટ પોલ્સે ભાજપ ગઠબંધનને 280 થી 300 બેઠકો જીતવાની આગાહી કરી હતી, પરંતુ એનડીએને 352 બેઠકો મળી હતી.
ટોપ સ્ટોરી
ટ્રેન્ડિંગ સમાચાર
