એગ્ઝિટ પોલ: તેલંગણા-મિઝોરમમાં કોની બનશે સરકાર? જાણો કોને કેટલી બેઠકો મળશે?

નવી દિલ્હી: તેલંગણાની કુલ 119 બેઠકો પર આજે સાત ડિસેમ્બરે મતદાન યોજાયું  હતું. જેના પરિણામ 11 ડિસેમ્બરે આવશે. તે પહેલા અલગ અલગ એક્ઝિટ પોલમાં કે. ચંદ્રશેખર રાવની પાર્ટી ટીઆરએસની સરકાર બનતી નજર આવી રહી છે અને બહુમત સાથે સરકાર બનાવી શકે છે. અલગ અલગ એગ્ઝિટ પોલના આંકડા અનુસાર ચંદ્રશેખર રાવની પાર્ટીને પૂર્ણ બહુમત મળે છે. વિધાનસભાની કુલ 119 બેઠકો માંથી ટીઆરએસને 66 બેઠકો મળી રહી છે. જ્યાંરે કૉંગ્રેસ-ટીડીપી ગઠબંધનને 37 સીટો મળી રહી છે. ભાજપ આ ચૂંટણીમાં ચોથા નંબરની પાર્ટી રહેશે અને તેની સાત બેઠકો મળી રહી છે. જ્યારે અન્યને 9 બેઠક જઈ રહી છે. ગત ચૂંટણી કરતા આ વખતે ટીઆરએસને ત્રણ સીટોનો ફાયદો થતો નજર આવી રહ્યો છે. 2014માં ટીઆરએસને 63 બેઠકો મળી હતી. જનકી બાત એગ્ઝિટ પોલ અનુસાર ટીઆરએસને 50-65 બેઠકો મળી રહી છે. કૉંગ્રેસ ગઠબંધનને 38-52 બેઠકો એટલે કે તેને 45 બેઠકો મળી શકે છે. જ્યારે ભાજપને 4-7 અને અન્યને 8-14 સીટો મળતી નજર આવી રહી છે. ઇન્ડિયા ટૂ઼ડે-એક્સિસ માઇ ઇન્ડિયાના એગ્ઝિટ પોલ પ્રમાણે ટીઆરએસને 79-91 એટલે કે 58 બેઠકો, કૉંગ્રેસ ગઠબંધનને 21થી 33, ભાજપને સાત અને અન્યને 5 અને AIMIM ને 3 સીટો મળી રહી છે. સી-વોટર એગ્ઝિટ પોલ અનુસાર ટીઆરએસને 48-60 એટલે કે 54, કૉંગ્રેસ ગઠબંધનને 53 બેઠકો (47-59), ભાજપને 5 અને અન્યને 1-13 સીટો મળી શકે છે. જ્યારે મિઝોરમમાં વિધાનસભાની 40 બેઠકો છે. મિઝોરમમાં કોની સરકાર બનશે?

રિપલબ્લિક-સી વોટર અનુસાર ભાજપ-0, કૉંગ્રેસ-14-18, એમએનએફ- 16-20 અને અન્યને 3-10 બેઠકો મળી રહી છે. જ્યારે ટાઈમ્સ નાઉ-સીએનએક્સ અનુસાર ભાજપ-0, કૉંગ્રેસ -16, એમએનએફ- 18 અને અન્યને 6 બેઠકો મળી શકે છે.