Lok Sabha Election 2024: લોકસભામાં ભાજપની પ્રથમ જીત, સુરત બેઠક પરથી BJPના ઉમેદવાર બિનહરિફ જાહેર

લોકસભા ચૂંટણીમાં સુરતથી ભાજપના ઉમેદવાર મુકેશ દલાલ બિનહરિફ જાહેર થયા હતા. 

સી.આર. પાટીલ સાથે સુરત બેઠક પરથી ભાજપના ઉમેદવાર મુકેશ દલાલ

Lok Sabha Election 2024: લોકસભા ચૂંટણીમાં સુરતથી ભાજપના ઉમેદવાર મુકેશ દલાલ બિનહરિફ જાહેર થયા હતા.સુરત બેઠક પરથી બીએસપીના ઉમેદવાર પ્યારેલાલ ભારતીએ ફોર્મ પરત ખેંચ્યું હતું. આ સાથે ગુજરાતમાં ઇતિહાસ રચાયો હતો. ગુજરાતમાં પ્રથમ વખત લોકસભાના બિનહરીફ સાંસદ ચૂંટાયા હતા. પ્યારેલાલ ભારતીએ ફોર્મ પરત ખેંચ્યાની કલેક્ટરે પુષ્ટી કરી હતી. 

પ્રચંડ વિજયગાથાનો સુરતથી શુભારંભ...

સુરત લોકસભા બેઠકના ઉમેદવાર શ્રી @mukeshdalal568 ને બિનહરીફ ચૂંટાવવા બદલ હાર્દિક અભિનંદન#PhirEKBarModiSarkar#AbkiBar400Par pic.twitter.com/IiOCL1zAD8

— BJP Gujarat (@BJP4Gujarat) April 22, 2024

ગુજરાતમાં પ્રથમ વખત લોકસભા સાંસદ બિનહરિફ

સુરત લોકસભા બેઠક પ્રથમ વખત બિનહરીફ જાહેર થઇ હતી. ભાજપના ઉમેદવાર મુકેશ દલાલ બિનહરીફ સાંસદ તરીકે ચૂંટાયા હતા. સુરત લોકસભા બેઠક પર માત્ર મુકેશ દલાલ જ ઉમેદવાર છે. ગુજરાતમાં પ્રથમ વખત લોકસભાના બિનહરીફ સાંસદ ચૂંટાયા હતા. ગુજરાતના ઈતિહાસમાં પ્રથમ વખત લોકસભાના ઉમેદવાર બિનહરીફ જાહેર થયા હતા. સુરત લોકસભા બેઠક વગર મતદાને જ સાંસદ મળ્યા હતા. હવે ગુજરાતમાં 25 લોકસભા બેઠક પર ચૂંટણી યોજાશે. મુકેશ દલાલ ભાજપના પ્રથમ સાંસદ હશે જે બિનહરીફ ચૂંટાયા હતા. અત્યાર સુધી ભાજપના કોઈ સાંસદ બિનહરીફ  જાહેર થયા નથી.

માનનીય પ્રધાનમંત્રી શ્રી નરેન્દ્રભાઇ મોદી સાહેબને સુરતે પહેલું કમળ અર્પણ કર્યું !!

સુરત લોકસભા બેઠકના ઉમેદવાર શ્રી મુકેશભાઇ દલાલને બિનહરીફ ચૂંટાવવા બદલ ખૂબ ખૂબ અભિનંદન અને શુભેચ્છાઓ પાઠવ્યા !! #PhirEKBarModiSarkar#AbkiBaar400Paar pic.twitter.com/w87WSrla5s

— C R Paatil (Modi Ka Parivar) (@CRPaatil) April 22, 2024

સુરતમાં ભાજપના ઉમેદવારની જીત પર ગુજરાત ભાજપે પ્રથમ પ્રતિક્રિયા આપી હતી.  ગુજરાત ભાજપે સોશિયલ મીડિયા પ્લેટફોર્મ એક્સ પર પોસ્ટ કરી જણાવ્યું હતું કે પ્રચંડ વિજયગાથાનો સુરતથી શુભારંભ. નોંધનીય છે કે કોગ્રેસના ઉમેદવાર નિલેશ કુંભાણીનું ફોર્મ રદ થયું હતું જ્યારે અન્ય ઉમેદવારોએ પોતાનું ફોર્મ પરત ખેંચ્યું હતું.

મુકેશ દલાલે સી.આર.પાટીલ સાથે કરી મુલાકાત

 મુકેશ દલાલે ભાજપ પ્રદેશ પ્રમુખ સી.આર.પાટીલ સાથે મુલાકાત કરી હતી. પ્યારેલાલ ભારતીએ ફોર્મ પરત ખેંચ્યા બાદ પ્રથમ મુલાકાત કરી હતી. મુકેશ દલાલ સાથે મુકેશ પટેલ, શહેર પ્રમુખ નિરંજન પણ હાજર રહ્યા હતા. ભાજપના ઉમેદવાર બિનહરીફ થતા કોંગ્રેસે સવાલ ઉઠાવ્યા હતા. કોગ્રેસ નેતા નૈષધ દેસાઇએ કહ્યું હતું કે આ લોકતંત્રની હત્યા છે.

અગાઉ ગુજરાત વિધાનસભા ચૂંટણીમાં કુતિયાણા બેઠક પરથી ઉમેદવાર બિનહરિફ જાહેર થયા હતા

ગુજરાત વિધાનસભા ચૂંટણીમાં કુતિયાણાની સીટ પર કબીર પંથની દીક્ષા લેનારા કોંગ્રેસના મહંત વિજયદાસનો દબદબો હતો. 1980માં મહંત વિજયદાસ આ સીટ પર બિનહરીફ થયા હતા અને ત્યાર બાદ તેઓ 1985માં ભાજપના મેરાગ સુત્રેજા સામે 51000 મતથી વિજયી થયા હતા.