PM મોદીની બાયોપીક પર ચૂંટણી પંચે લગાવ્યો પ્રતિબંધ, ફિલ્મ મેકર્સને લાગ્યો મોટો ઝાટકો

ચૂંટણી પંચે મોટો નિર્ણય કરતાં પ્રધાનમંત્રી નરેન્દ્ર મોદીની બાયોપિકને રિલીઝ કરવા પર પ્રતિબંધ લગાવી દીધો છે.

નવી દિલ્હીઃ ચૂંટણી પંચે મોટો નિર્ણય કરતાં પ્રધાનમંત્રી નરેન્દ્ર મોદીની બાયોપિકને રિલીઝ કરવા પર પ્રતિબંધ લગાવી દીધો છે. ચૂંટણી પંચે કહ્યું કે, આ ફિલ્મ 11 એપ્રિલે રિલીઝ નહીં થાય. સાથે જ ચૂંટણી પંચે એ પણ કહ્યું કે, લોકસભા ચૂંટણીની વચ્ચે જેટલી પણ બાયોપિક રિલીઝ થઈ રહી છે, તેના માટે એક કમિટી બનશે. રિવ્યૂ બાદ જ આવી ફિલ્મ રિલીઝ થશે. એવી બાયોપિક ફિલ્મ જેનાથી કોઈપણ પાર્ટીને ફાયદો થઈ શકે છે, તેના પર ચૂંટણી પંચે પ્રતિબંધ લગાવી દીધો છે. નોંધનીય છે કે, ગઈકાલે સુપ્રીમ કોર્ટે આ ફિલ્મની રિલીઝ પર પ્રતિબંધ લગાવાવની ના પાડી દીધી હતી. સુપ્રીમ કોર્ટે કહ્યું હતું કે, એ જોવાનું કામ ચૂંટણી પંચનું છે. ત્યાર બાદ ચૂંટણી પંચે આ ફિલ્મ પર પ્રતિબંધ લગાવી દીધો છે.