બોલિવૂડની આ એક્ટ્રેસે સ્ટાર્ટઅપમાં કર્યું 1 કરોડ રૂપિયાનું રોકાણ, પ્રથમ વખત એન્જલ ઇન્વેસ્ટર બની

ઐશ્વર્યાએ તેની માતા વૃંદા રાય સાથે મળીને એક કરોડ રૂપિયાનું રોકાણ બેંગ્લુરુના ‘Ambee’ સ્ટાર્ટઅપમાં કર્યું છે.

નવી દિલ્હીઃ એક્ટ્રેસ ઐશ્વર્યા રાય બચ્ચન ભહે ફિલ્મોથી દૂર હોય પરંતુ તેણે એક શાનદાર કામમાં રોકાણ કર્યું છે. ઐશ્વર્યા રાયે માતા વુંદા સાથે બેંગલુરુના એક સ્ટાર્ટઅપમાં 1 કરોડ રૂપિયાનું રોકાણ કર્યું છે, જે હવાની ગુણવત્તા વિશે ડેટા ઉપલબ્ધ કરાવે છે. આ પહેલા તેણે મહારાષ્ટ્રમાં પવન ઉર્જા પ્રોજેક્ટમાં રોકાણ કર્યું હતું. ઐશ્વર્યાએ તેની માતા વૃંદા રાય સાથે મળીને એક કરોડ રૂપિયાનું રોકાણ બેંગ્લુરુના ‘Ambee’ સ્ટાર્ટઅપમાં કર્યું છે. બન્નેએ 50-50 લાખ રૂપિયા આ આર્ટિફિશયલ ઇન્ટેલિજન્સ પર આધારિત સ્ટાર્ટઅપમાં રોક્યાં છે. આ રોકાણથી ઐશ્વર્યા પહેલીવાર એક એન્જલ ઇન્વેસ્ટર બની છે. 2017માં શરૂ થયેલ આ પર્યાવરણ આધારિત સ્ટાર્ટઅપ ડેટાનો ઉપયોગ કરી એર ક્વોલિટી જેવી માહિતી પૂરી પાડે છે. આ સ્ટાર્ટઅપ પ્રોપ્રાઇટરી ડેટા અને એનાલિટિક્સનો ઉપયોગ કરીને યુઝરને પર્યાવરણ અંગેની માહિતી આપે છે. આ પ્રોપ્રાઇટરી ડેટામાં સેન્સર ડેટા, વેધર પેટર્ન, ટ્રાફિક ડેટા, પેટ્રોલ- ડિઝલ સ્કૂટરનો રેશિયો, રોડ રીપેર વગેરે જેવી બાબતો સામેલ છે.