10 મિનિટના ગીત માટે 1.5 કરોડ! મિકા સિંહે અનંત અંબાણી-રાધિકા મર્ચન્ટની સગાઈની પાર્ટીમાં વસૂલી મોટી રકમ
Anant Ambani Engagement: ઉદ્યોગપતિ મુકેશ અંબાણીના પુત્ર અનંત અંબાણી અને રાધિકા મર્ચન્ટની સગાઈની પાર્ટીમાં ગાયક મીકા સિંહે જબરજસ્ત પરફોર્મન્સ આપ્યું હતું.
Mika Singh Performance Anant Ambani Engagement: ભારતના પ્રખ્યાત ઉદ્યોગપતિ મુકેશ અંબાણીના પુત્ર અનંત અંબાણીએ ગુરુવારે તેની પ્રેમિકા રાધિકા મર્ચન્ટ સાથે સગાઈ કરી છે. રાજસ્થાનના નાથદ્વારા સ્થિત શ્રીનાથજી મંદિરમાં અનંત અને રાધિકાની સગાઈનો કાર્યક્રમ રાખવામાં આવ્યો હતો. આ પછી, મુંબઈમાં અંબાણી પરિવારના ઘર એન્ટિલામાં મોડી રાતની ઉજવણી કરવામાં આવી હતી. જેમાં તમામ ફિલ્મ સ્ટાર્સે હાજરી આપી હતી. આ દરમિયાન પ્રખ્યાત ગાયક મીકા સિંહે પોતાના શાનદાર પર્ફોમન્સથી સૌ કોઈને નચાવ્યાં હતા. પરંતુ શું તમે જાણો છો કે મિકા સિંહે પોતાના પરફોર્મન્સ માટે તગડી રકમ વસૂલ કરી છે.
મીકાએ અનંતની સગાઈની પાર્ટી માટે મોટી રકમ વસૂલી!
બોલિવૂડના દિગ્ગજ ગાયકોની યાદીમાં મિકા સિંહનું નામ સામેલ છે. મિકા સિંહ પોતાની જોરદાર સિંગિંગના જોરે સરળતાથી દરેકનું દિલ જીતી લે છે. અંબાણી હાઉસ એન્ટિલામાં ગઈકાલે રાત્રે પણ મિકાએ તેના શાનદાર અભિનયથી ચમક બતાવી હતી. આ પ્રસંગનો વીડિયો સોશિયલ મીડિયા પર ઝડપથી વાયરલ થઈ રહ્યો છે. બીજી તરફ,ઘણા મીડિયા રિપોર્ટ્સમાં એવો દાવો કરવામાં આવી રહ્યો છે કે મિકાએ અનંત અંબાણી અને રાધિકા મર્ચન્ટની સગાઈની પાર્ટીમાં પરફોર્મન્સ માટે તગડી રકમ વસૂલ કરી છે. રિપોર્ટ્સનું માનીએ તો મિકા સિંહે આ પરફોર્મન્સ માટે લગભગ 1.5 કરોડ રૂપિયા લીધા છે. નવાઈની વાત એ છે કે મીકા સિંહે માત્ર 10 મિનિટના પરફોર્મન્સ માટે આ ફી વસૂલ કરી છે. આવી સ્થિતિમાં મીકા સિંહની ચર્ચા દરેક જગ્યાએ થઈ રહી છે.
View this post on Instagram
આ ફિલ્મ સ્ટાર્સ પણ એન્ટિલા પહોંચ્યા હતા
રાજસ્થાનમાં સગાઈ બાદ અનંત અંબાણી અને રાધિકા મર્ચન્ટનો પરિવાર મુંબઈમાં તેમના ઘર એન્ટિલા પરત ફર્યો હતો. જ્યાં મોડી રાત્રે ભવ્ય પાર્ટીનું આયોજન કરવામાં આવ્યું હતું. આ પાર્ટીમાં બોલિવૂડના સુપરસ્ટાર સલમાન ખાન, શાહરૂખ ખાન અને રણબીર કપૂર જેવા તમામ ફિલ્મ સ્ટાર્સનો મેળાનું આયોજન કરવામાં આવ્યું હતું. આ સાથે આ સેલેબ્સની ઘણી તસવીરો પણ સોશિયલ મીડિયા પર વાયરલ થઈ રહી છે.
ટોપ સ્ટોરી
ટ્રેન્ડિંગ સમાચાર
