આર્યન ખાન ડ્રગ્સ કેસ: અનન્યા પાંડે આજે NCB સમક્ષ હાજર ન થઈ, હવે નવુ સમન્સ જાહેર થશે

બોલિવૂડ અભિનેત્રી અને ચંકી પાંડેની પુત્રી અનન્યા પાંડે સોમવારે નાર્કોટિક્સ કંટ્રોલ બ્યુરો (NCB) સમક્ષ હાજર નહી થાય. અનન્યા પાંડેને આજે ત્રીજી વખત પૂછપરછ માટે બોલાવવામાં આવી હતી.

બોલિવૂડ અભિનેત્રી અને ચંકી પાંડેની પુત્રી અનન્યા પાંડે સોમવારે નાર્કોટિક્સ કંટ્રોલ બ્યુરો (NCB) સમક્ષ હાજર નહી થાય. અનન્યા પાંડેને આજે ત્રીજી વખત પૂછપરછ માટે બોલાવવામાં આવી હતી. અનન્યાને સવારે 11 વાગ્યે NCB ઑફિસ પહોંચવાનું હતું, જોકે તેણે અંગત કારણોસર NCBને આગળની તારીખ નક્કી કરવા વિનંતી કરી હતી.

NCB ના સૂત્રોને ટાંકીને માહિતી મળી હતી કે ડ્રગ્સ કેસમાં અભિનેત્રી અનન્યા પાંડે સોમવારે NCB ઓફિસમાં હાજર નહોતી. અન્યાએ વ્યક્તિગત કારણોને ટાંકીને NCBને અન્ય તારીખ આપવા વિનંતી કરી હતી. તે જ સમયે, NCBએ અનન્યાની આ વિનંતી પણ સ્વીકારી લીધી છે. એનસીબી હવે નવી તારીખ માટે સમન્સ જાહેર કરશે, ત્યારબાદ અનન્યા પાંડે તે તારીખે પૂછપરછ માટે એનસીબી ઓફિસમાં હાજર થશે.

જણાવી દઈએ કે અગાઉ અનન્યા પાંડે ડ્રગ્સ કેસમાં ધરપકડ કરાયેલા અભિનેતા શાહરૂખ ખાનના પુત્ર આર્યન ખાન સાથે કથિત વોટ્સએપ ચેટ અંગે શુક્રવારે સતત બીજા દિવસે એનસીબી સમક્ષ હાજર થઈ હતી. એનસીબી દ્વારા તેમની લગભગ ચાર કલાક સુધી પૂછપરછ કરવામાં આવી હતી.

NCB ના સૂત્રોને ટાંકીને માહિતી મળી હતી કે ડ્રગ્સ કેસમાં અભિનેત્રી અનન્યા પાંડે સોમવારે NCB ઓફિસમાં હાજર નહોતી. અન્યાએ વ્યક્તિગત કારણોને ટાંકીને NCBને અન્ય તારીખ આપવા વિનંતી કરી હતી. 

ક્રુઝ શિપમાંથી ડ્રગ્સ મળવાના કેસની તપાસ NCB કરી રહી છે અને આ મામલે શાહરૂખ ખાનના પુત્ર આર્યન સહિત 20 લોકોની ધરપકડ કરવામાં આવી છે. રિપોર્ટ્સ અનુસાર, તપાસ દરમિયાન NCB ને આર્યન ખાન અને અનન્યા પાંડે વચ્ચે વોટ્સએપ પર કેટલીક ચેટ્સ મળી હતી. તેમણે કહ્યું કે એનસીબીના અધિકારીઓ ચેટ વિશે થોડી વધુ માહિતી મેળવવા માંગતા હતા અને આ માટે અનન્યાને ગુરુવારે ઓફિસમાં બોલાવવામાં આવી હતી, જ્યાં તેમની લગભગ બે કલાક સુધી પૂછપરછ કરવામાં આવી હતી. એનસીબીએ ગુરુવારે અનન્યાનું લેપટોપ અને મોબાઇલ ફોન જપ્ત કર્યો છે.