Bigg Boss 16 Grand Finale Live : બિગ બોસ 16ના વિજેતાની જાહેરાત ટૂંક સમયમાં થશે
આજે બોલિવૂડ સુપરસ્ટાર સલમાન ખાનના સૌથી લોકપ્રિય ટીવી શો 'બિગ બોસ 16'ની ફિનાલે છે. 'સાંજે સાત વાગ્યે ફિનાલે શરૂ થયો છે. મોડી રાત્રે વિજેતાની જાહેરાત કરવામાં આવશે.
Background
Bigg Boss 16 Grand Finale Live Streaming: આજે બોલિવૂડ સુપરસ્ટાર સલમાન ખાનના સૌથી લોકપ્રિય ટીવી શો 'બિગ બોસ 16'ની ફિનાલે છે. 'બિગ બોસ 16'નો ગ્રાન્ડ ફિનાલે 12 ફેબ્રુઆરી રવિવારના રોજ યોજાનાર છે. સાંજે સાત વાગ્યે ફિનાલે શરૂ થયો છે. મોડી રાત્રે વિજેતાની જાહેરાત કરવામાં આવશે.
'બિગ બોસ 16'ની પ્રાઈઝ મની કેટલી છે?
સલમાન ખાનના શો 'બિગ બોસ સીઝન 16'ની ઈનામી રકમ એક સમયે 50 લાખ રૂપિયા હતી, પરંતુ બાદમાં તેને ઘટાડીને 21 લાખ 80 હજાર રૂપિયા કરી દેવામાં આવી છે. આવી સ્થિતિમાં આ સિઝનના વિજેતાને આટલી મોટી રકમ મળશે. આ સાથે, 'બિગ બોસ 16'ના ગ્રાન્ડ ફિનાલેના વિજેતાને શોના આઇકોનની ટ્રોફી મળશે, જેના પર ગોલ્ડ યુનિકોર્ન સામેલ હશે. આ સિવાય વિજેતાને ગ્રાન્ડ i10 Nios કાર પણ મળશે.
ફાઇનલિસ્ટ કોણ છે
આ વખતે શોના ટોપ-5 ફાઇનલિસ્ટ સ્પર્ધકોમાં શાલીન ભનોટ, શિવ ઠાકરે, અર્ચના ગૌતમ, પ્રિયંકા ચહર ચૌધરી અને એમસી સ્ટેન છે. સોશિયલ મીડિયા બઝ મુજબ, અનુમાન લગાવવામાં આવી રહ્યું છે કે 'બિગ બોસ 16' સ્પર્ધક પ્રિયંકા ચહર ચૌધરી આ વખતે ટાઈટલ જીતી શકે છે. જ્યારે શિવ ઠાકરે રનર અપ રહેશે. હવે 'બિગ બોસ 16'નો તાજ કોના માથે સજશે તે મોડી રાત્રે ગ્રાન્ડ ફિનાલેમાં જ ખબર પડશે.
સોશિયલ મીડિયા પર શિવ માટે જોરદાર બઝ
બિગ બોસના વિજેતાની જાહેરાત ટૂંક સમયમાં થવા જઈ રહી છે. એસસી સ્ટેન, શિવ ઠાકરે અને પ્રિયંકા ચૌધરી શોમાં ટોચના ત્રણ સ્પર્ધકોમાંથી બચ્યા છે. પરંતુ સોશિયલ મીડિયા પર શિવ ઠાકરે વિશે એવી મોટી ચર્ચા છે કે તેઓ આ શોના વિજેતા બનવાના છે.
અર્ચના ગૌતમ વિનરની રેસમાંથી બહાર
બિગ બોસની ટોચની સ્પર્ધક અર્ચના ગૌતમ પણ શોમાંથી બહાર થઈ છે. સની દેઓલ શોમાં પહોંચ્યો અને હેન્ડપમ્પ ટાસ્ક આપ્યો, જે દરમિયાન અર્ચના ગૌતમ માટે લખવામાં આવ્યું કે તે બહાર થઈ ગઈ છે.
ટોપ સ્ટોરી
ટ્રેન્ડિંગ સમાચાર
