Lawrence Bishnoi Exclusive: લોરેન્સ બિશ્નોઈના નિશાના પર સલમાન ખાન, કહ્યું- ‘માફી માંગે નહી તો મળશે જડબાતોડ જવાબ’

Salman Khan Black Buck Case: એબીપી ન્યૂઝના એક્સક્લુઝિવ ઈન્ટરવ્યુ 'ઓપરેશન દુર્દાન્ત'માં ગેંગસ્ટર લોરેન્સ બિશ્નોઈએ સલમાન ખાન વિશે મોટો ખુલાસો કર્યો છે. બ્લેક બક કેસ પર લોરેન્સે મોટી વાત કહી છે.

Lawrence Bishnoi- salman Khan

Lawrence Bishnoi On Salman Khan: બોલિવૂડ સુપરસ્ટાર સલમાન ખાન વિશે મોટા સમાચાર સામે આવી રહ્યા છે. એબીપી ન્યૂઝના એક્સક્લુઝિવ ઈન્ટરવ્યુ ઓપરેશન દુર્દાન્તમાં ગેંગસ્ટર લોરેન્સ બિશ્નોઈએ સલમાન ખાન વિશે ઘણું કહ્યું છે. બિશ્નોઈએ કહ્યું, "સલમાન ખાને કાળા હરણ કેસને લઈને અમારા સમાજના લોકોની માફી માંગવી જોઈએ, નહીં તો તેને પણ નક્કર જવાબ આપવામાં આવશે." સલમાન ખાનને લઈને લોરેન્સ બિશ્નોઈના ઈરાદાઓ એકદમ ખતરનાક લાગે છે.

સલમાન ખાનનું અભિમાન તોડીશું: લોરેન્સ બિશ્નોઈ

એબીપી ન્યૂઝના એક્સક્લુઝિવ ઈન્ટરવ્યુમાં લોરેન્સ બિશ્નોઈએ કહ્યું, "અમે સલમાન ખાનનું અભિમાન તોડી નાખીશું. સલમાને આપણા સમાજને ઘણું નીચું જોવડાવ્યું છે. આપણા સમાજમાં વૃક્ષો, છોડ અને પ્રાણીઓને ઘણું મહત્વ આપવામાં આવે છે. સલમાન ખાને આપણા સમાજનું અપમાન કર્યું છે. અમે ઈચ્છીએ છીએ કે તે બધાની સામે આવે અને માફી માંગે. રાજસ્થાનના બિકાનેરમાં અમારી સોસાયટીનું મંદિર છે. સલમાને ત્યાં જઈને માફી માંગવી જોઈએ.

WATCH | लॉरेंस की धमकी के बाद सलमान खान के घर से ग्राउंड रिपोर्ट.. बढ़ेगी सलमान की सुरक्षा?@jagwindrpatial | @surajojhaa @RubikaLiyaquat | @akhileshanandd |

LIVE - https://t.co/4StwkoboMD#OperationDurdantOnABPNews #LawrenceBishnoi #SalmanKhan pic.twitter.com/HTvU7r3YrZ

— ABP News (@ABPNews) March 14, 2023

 

लॉरेंस बिश्नोई बोला- 'सलमान खान का अंहकार तोड़ देंगे, हमारे देवता के मंदिर में आकर माफी मांगें'

पूरा इंटरव्यू देखें https://t.co/SROsiyXoDC पर#OperationDurdantOnABPNews #ABPNewsSuperExclusive #LawrenceBishnoihttps://t.co/cq2TshPgOL

— ABP News (@ABPNews) March 14, 2023

બિશ્નોઈએ આગળ કહ્યું, “જો તેઓ આવું કરે છે, તો અમારે તેની સાથે કોઈ દુશ્મની નથી. જો સલમાન ખાન આવું નહીં કરે તો અમે તેનો નક્કર જવાબ આપીશું. અમે ફરીથી કોર્ટ અને કાયદાનો સહારો નહીં લઈએ અને તેને અમારી રીતે જવાબ આપીશું." આ રીતે લોરેન્સ બિશ્નોઈએ સુપરસ્ટાર સલમાન ખાનને ધમકી આપી હતી.

સલમાન ખાનનો જીવ જોખમમાં

જે રીતે લોરેન્સ બિશ્નોઈએ એબીપી ન્યૂઝના એક્સક્લુઝિવ ઈન્ટરવ્યુ ઓપરેશન દુર્દાન્તમાં સલમાન ખાન વિશે વાત કરી છે. તેના પરથી અંદાજ લગાવી શકાય છે કે તે સલમાન ખાનને ઈશારાથી ધમકી આપી રહ્યો છે. આવી સ્થિતિમાં હવે એવું માની લેવું જોઈએ કે સુપરસ્ટાર સલમાન ખાનને ગેંગસ્ટર લોરેન્સ બિશ્નોઈથી જીવનું જોખમ છે. જો કે, ગયા વર્ષે સલમાન ખાનના પિતા સલીમ ખાનને મળેલા ધમકીભર્યા પત્ર અંગે બિશ્નોઈએ સ્પષ્ટપણે કહ્યું હતું કે તેને તેની સાથે કોઈ લેવાદેવા નથી.