શોધખોળ કરો
Advertisement
![ABP Premium](https://cdn.abplive.com/imagebank/Premium-ad-Icon.png)
સલમાનની મદદ પણ આ એક્ટરને ના બચાવી શકી, બ્રેઈન ઈંફેક્શનથી થયું મોત, જાણો કઈ ટોપ એક્ટ્રેસ સામે હીરો બનેલો?
ફરાઝ ખાનના નિધનના જાણકારી અભિનેત્રી-નિર્માતા પૂજા ભટ્ટે આપી, પૂજા ભટ્ટે જ તેના બ્રેન ઇન્ફેક્શનની જાણકારી શેર કરી હતી
![સલમાનની મદદ પણ આ એક્ટરને ના બચાવી શકી, બ્રેઈન ઈંફેક્શનથી થયું મોત, જાણો કઈ ટોપ એક્ટ્રેસ સામે હીરો બનેલો? mehndi actor faraz khan died due to brain infection સલમાનની મદદ પણ આ એક્ટરને ના બચાવી શકી, બ્રેઈન ઈંફેક્શનથી થયું મોત, જાણો કઈ ટોપ એક્ટ્રેસ સામે હીરો બનેલો?](https://static.abplive.com/wp-content/uploads/sites/7/2020/11/04205806/Faraz-k-02.jpg?impolicy=abp_cdn&imwidth=1200&height=675)
ફાઇલ તસવીર
નવી દિલ્હીઃ બૉલીવુડ એક્ટર ફરાઝ ખાન જિંદગી સામેનો જંગ હારી ગયો છે. બેગ્લુંરુની હૉસ્પીટલમાં ફરાઝ ખાને અંતિમ શ્વાસ લીધા છે, એક્ટર છેલ્લા કેટલાય સમયથી બ્રેન ઇન્ફેક્શનથી પીડાઇ રહ્યો હતો, અને આઇસીયુમાં ભરતી હતો. ઉલ્લેખનીય છે કે થોડાક દિવસો પહેલા ફરાઝ ખાનના હૉસ્પીટલ ખર્ચ માટે સલમાન ખાને મદદ કરી હતી, પરંતુ તે મદદ પણ એક્ટરને બચાવી શકી નહીં. ફરાઝ ખાને કેટલીય ફિલ્મોમાં કામ કર્યુ પરંતુ તેને ઓળખ અભિનેત્રી રાની મુખર્જીની સાથેની ફિલ્મ મેહંદીથી મળી હતી.
ફરાઝ ખાનના નિધનના જાણકારી અભિનેત્રી-નિર્માતા પૂજા ભટ્ટે આપી, પૂજા ભટ્ટે જ તેના બ્રેન ઇન્ફેક્શનની જાણકારી શેર કરી હતી, ફરાઝ ખાનના નિધનની ખબર શેર કરતા પૂજા ભટ્ટે લખ્યું- બહુ જ ભારે મનથી આ ખબર શેર કરી રહી છું કે ફરાઝ ખાન આપણને છોડીને ચાલ્યો ગયો છે, કદાચ એક સારી જગ્યા. તેને જ્યારે જરૂર હતી તમારા બધાની મદદ અને શુભેચ્છાઓ માટે આભાર. પોતાની દુવાઓમા તેના પરિવારને રાખો. જે જગ્યા તે પોતાની પાછળ છોડીને ગયા તેની ભરપાઇ કરવી અસંભવ છે.
બીજા ટ્વીટમાં પૂજા ભટ્ટે ફરાઝ ખાનની તસવીર શેર કરતા લખ્યું- ફરાઝ ખાન, મે 1970 નવેમ્બર 2020. તમારો સંગીન સમય અને સ્થાનની સાથે હંમેશા યાત્રા કરતા રહો.
થોડાક અઠવાડિયા પહેલા ફરાઝ ખાનના ભાઇ ફહમાન ખાને તેની ખરાબ તબિયતની જાણકારી આપતા આર્થિક મદદ માંગી હતી. ફહમાન ખાનની અપીલ બાદ અભિનેતા સલમાન ખાન મદદ માટે આગળ આવ્યો અને તેને ઇલાજનો ખર્ચ ઉઠાવવામાં મદદ કરી હતી.
કાશ્મીરા શાહે થોડાક દિવસો પહેલા સલમાન ખાનની એક તસવીર પૉસ્ટ કરતા લખ્યું હતુ- તમે સાચે મહાન માણસ છો, ફરાઝ ખાન અને તેના મેડિકલ બિલ્સનુ ધ્યાન રાખવા માટે આભાર. ફરેબ એક્ટર ફરાઝ ખાન ક્રિટિકલ કન્ડિશનમાં હતો, અને સલમાન તેની સાથે ઉભો રહ્યો, અને તેની મદદ કરી, જેમ કે તે કેટલાય મોટા લોકોની કરે છે. હું તમારી સાચી ફેન છુ, અને હંમેશા રહીશ. જો લોકોને આ પૉસ્ટ ના પસંદ આવે તો મને ફરક નથી પડતો. તમારી પાસે મને અનફોલો કરવાની ચોઇસ છે. મારુ માનવુ છે કે ફિલ્મ ઇન્ડસ્ટ્રીમાં જેટલા લોકોને મળી છું તેમાંથી તે સાચો વ્યક્તિ છે.
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
ગુજરાત
દેશ
શિક્ષણ
દેશ
Advertisement
![ABP Premium](https://cdn.abplive.com/imagebank/metaverse-mid.png)