Pathaan: 'પઠાણ'ના પાર્ટ 2માં જોવા મળશે શાહરૂખ ખાન, સિક્વલ વિશે દિગ્દર્શકે આપ્યો આ સંકેત
Pathaan 2: સુપરસ્ટાર શાહરૂખ ખાનની ફિલ્મ 'પઠાણ' આ દિવસોમાં સફળતાના રથ પર સવાર છે. આ દરમિયાન હવે 'પઠાણ'ના ડાયરેક્ટર સિદ્ધાર્થ આનંદે પાર્ટ 2 વિશે મોટી હિંટ આપી છે.
Shah Rukh Khan Pathaan 2: 'વોર' જેવી બ્લોકબસ્ટર ફિલ્મ બનાવ્યા પછી હિન્દી સિનેમાના દિગ્ગજ નિર્દેશક સિદ્ધાર્થ આનંદે ફિલ્મ 'પઠાણ' પર દાવ લગાવ્યો. સુપરસ્ટાર શાહરૂખ ખાન પર સિદ્ધાર્થનો રમાયેલો આ દાવ સફળ પણ સાબિત થયો. ફિલ્મ રિલીઝના માત્ર 5 દિવસમાં જ ફિલ્મે કમાણીના તમામ રેકોર્ડ તોડી નાખ્યા છે. આ દરમિયાન 'પઠાણ'ની સફળતાને ધ્યાનમાં રાખીને, મેકર્સે સોમવારે મુંબઈમાં એક પ્રેસ ઈવેન્ટનું આયોજન કર્યું હતું, જેમાં 'પઠાણ'ના નિર્દેશક સિદ્ધાર્થ આનંદે આ ફિલ્મના ભાગ વિશે મોટી હિંટ આપી હતી.
'પઠાણ'ની સિક્વલ બનશે
ફિલ્મ 'પઠાણ'એ જે રીતે સિનેમાઘરોથી લઈને બોક્સ ઓફિસ સુધી ધમાકેદાર કમાણી કરી છે તેના પરથી અનુમાન લગાવવામાં આવી રહ્યું હતું કે નિર્માતાઓના મનમાં ક્યાંકને ક્યાંક આ ફિલ્મની સિક્વલને લઈને સવાલો ઉભા થઈ રહ્યા હશે. સોમવારે મુંબઈમાં 'પઠાણ' માટે વિશ્વભરમાં 500 કરોડથી વધુની કમાણી કરવા માટે એક પ્રેસ ઈવેન્ટનું આયોજન કરવામાં આવ્યું હતું. આ દરમિયાન ફિલ્મના ડાયરેક્ટર સિદ્ધાર્થ આનંદ સાથે 'પઠાણ'ની સ્ટાર કાસ્ટ શાહરૂખ ખાન, દીપિકા પાદુકોણ અને જોન અબ્રાહમ હાજર હતા.
Siddharth Anand Announces #Pathaan sequel i.e #Pathaan2 with @iamsrk pic.twitter.com/hdTfZMIPAs
— ʀᴜᴘᴇꜱʜ 👑𝐹𝒶𝓃 (@ISRKzRupesh) January 30, 2023
ટ્વિટર પર વાયરલ થઈ રહેલા આ વીડિયોમાં તમે જોઈ શકો છો કે સિદ્ધાર્થ આનંદ કહેતા સંભળાય છે- પઠાણ આયી હૈ, પઠાણ હિટ હુઈ હૈ, ઇસકે બાદ કયા બનાયેગે તેના જવાબમાં હાજર લોકો કહે છે હવે પઠાણ 2 જે બાદ સિદ્ધાર્થ ઇન્સાલ્લાહ કહી રહ્યો છે. આ પછી શાહરૂખ ખાને આ જ પ્રેસ કોન્ફરન્સમાં પઠાણના પાર્ટ 2 વિશે પણ જણાવ્યું હતું.
'પઠાણે' કમાણીના તમામ રેકોર્ડ તોડી નાખ્યા
શાહરૂખ ખાન સ્ટારર 'પઠાણ'એ રિલીઝના 5 દિવસમાં જ કમાણીના તમામ રેકોર્ડ તોડી નાખ્યા છે. ટ્રેડ એનાલિસ્ટ તરણ આદર્શના જણાવ્યા અનુસાર, 'પઠાણ' બોલિવૂડની એકમાત્ર એવી ફિલ્મ બની છે જેણે વીકએન્ડ પર સૌથી વધુ 271 કરોડનું કલેક્શન કર્યું છે. આટલું જ નહીં, 'પઠાણ' વિશ્વભરમાં 542 કરોડના બોક્સ ઓફિસ કલેક્શનની દૃષ્ટિએ પહેલી હિન્દી ફિલ્મ પણ બની ગઈ છે.
ટોપ સ્ટોરી
ટ્રેન્ડિંગ સમાચાર
