10 દિવસમાં અક્ષય-કરીનાની 'ગુડ ન્યૂઝની' શાનદાર કમાણી, જાણો કલેક્શન

અક્ષય કુમાર અને કરીના કપૂર ખાનની હાલમાં જ રિલીઝ થયેલી ફિલ્મ 'ગુડ ન્યૂઝ' દર્શકોની ખૂબ પસંદ પડી રહી છે.

મુંબઈ: અક્ષય કુમાર અને કરીના કપૂર ખાનની હાલમાં જ રિલીઝ થયેલી ફિલ્મ 'ગુડ ન્યૂઝ' દર્શકોની ખૂબ પસંદ પડી રહી છે. આ ફિલ્મ બોક્સ ઓફિસ પર શાનદાર કમાણી કરી રહી છે. ફિલ્મે પ્રથમ સપ્તાહમાં આશરે 128 કરોડની કમાણી કરી હતી. હવે બીજા સપ્તાહમાં ફિલ્મે શાનદાર કમાણી કરી છે. ટ્રેડ એનાલિસ્ટ તરણ આદર્શએ ટ્વિટ કરી ફિલ્મની કમાણીના આંકડા શેર કર્યા છે.ગુડ ન્યૂઝે બીજા રવિવારે 14.40 કરોડની શાનદાર કમાણી કરી છે. આ પહેલા ફિલ્મે બીજા શુક્રવારે 8.10 કરોડની અને શનિવારે 11.70 કરોડ રૂપિયાની કમાણી કરી છે. આ રીતે ફિલ્મે પ્રથમ 10 દિવસમાં 162.10 કરોડ રૂપિયાની કમાણી કરી છે.

#GoodNewwz continues to bring #GreatNewwz... Scores big [close to ₹ 35 cr] in Weekend 2... Should trend very well on weekdays... Will cross ₹ 175 cr in Week 2... Speeding towards ₹ 200 cr... [Week 2] Fri 8.10 cr, Sat 11.70 cr, Sun 14.40 cr. Total: ₹ 162.10 cr. #India biz.

— taran adarsh (@taran_adarsh) January 6, 2020

ગુડ ન્યૂઝને 3000 સ્ક્રીન્સ પર રિલીઝ કરવામાં આવી છે. આ રીતે ફિલ્મની કમાણી સારી છે. આ ફિલ્મમાં દર્શકોને અક્ષય-કરીના અને દિલજીત-કિયારાની એક્ટિંગ પણ પસંદ આવી રહી છે. આ ફિલ્મને ખૂબ સારા રિવ્યૂ મળ્યા છે. આ ફિલ્મને રાજ મેહતાએ ડાયરેક્ટ કરી છે.