'દિલબર' ગીતના કારણે જાણીતી નોરા ફતેહીને મળી સલમાન ખાનની ફિલ્મ, જાણો

મુંબઈ: પોતાના ડાંસના કારણે લાખો દિલોને ઘાયલ કરનારી નોરા ફતેહીના હાથમાં એક મોટો પ્રોજેક્ટ લાગ્યો છે. પોતાના ગીત 'દિલબર દિલબર'ના કારણે તમામ લોકોના દિલ જીતી ચુકી નોરા ફતેહીના હાથમાં હવે સલમાન ખાનની ફિલ્મ 'ભારત' આવી છે. રિપોર્ટ્સની જાણકારી મુજબ નોરા ફતેહીને સલમાન ખાનની આગામી ફિલ્મ ભારતમાં એક ગીત ઓફર કરવામાં આવ્યું છે.

નોરા ફતેહીનું ગીત દિલબર દિલબર યૂટ્યૂબ પર જોરદાર વાયરલ થયું છે. જોન અબ્રાહમની ફિલ્મ સત્યમેવ જયતેમાં એક્ટ્રેસ સુષ્મિતા સેનના સુપરહિત ગીત દિલબર દિલબર પર નોરાએ ડાંસ કર્યો છે. આ ગીતમાં નોરાનો ખૂબ જ સિજલિંગ અને હોટ અંદાજ જોવા મળી રહ્યો છે. આ ગીતને નેહા કક્કરે અવાજ આપ્યો છે.