મીરા રાજપૂત ફરી બનશે મમ્મી, શાહિદ કપૂરે પોસ્ટ શેર કરી આપી જાણકારી

આ પહેલા મીરા રાજપૂત ઘણીવાર લૂઝ આઉટફીટમાં પોતાનો બેબી બમ્બ છૂપાવતી જોવા મળી છે. પરંતુ બધી રિપોર્ટ્સ અફવાઓ સાબિત થઈ હતી. જોકે આ વખતે શાહિદે પોતે જ આ વાતને કન્ફર્મ કરી છે.

મુંબઈ: બોલિવૂડ અભિનેતા શાહિદ કપૂર અને તેની પત્ની મીરા રાજપૂત બીજી વખત પેરેન્ટહૂડનો અનુભવ કરવાના છે. હાલમાં જ કેટલીક મીડિયા રિપોર્ટ સામે આવી હતી જેમાં મિરાના પ્રેગ્નેટ હોવાની ખબરો સામે આવી હતી. પરંતુ કપલે આવી અટકળો પર કોઈ જવાબ આપ્યો નહોતો.

ઉલ્લેખનીય છે કે મીરા રાજપૂતે એક ઈન્ટરવ્યૂમાં બોલિવૂડમાં પોતાના કામ કરવાના પ્રશ્નના જવાબમાં કહ્યું હતું કે તે પહેલા બે બાળકોની માતા બનશે અને ત્યાર બાદ જ આ બોલિવૂડમાં કામ કરવા વિશે વિચારશે. ત્યારે પણ એવી જ અટકળો લગાવાઈ રહી હતી કે મિરા ટૂંક સમયમાં ફરીથી માતા બની શકે છે, જેથી કરીને ફિલ્મોમાં કામ કરી શકે.

જોકે હવે શાહિદ કપૂરે પોતાના ઈન્સ્ટાગ્રામ પર એક ક્યૂટ પોસ્ટ શેર કરી બીજા બાળકની જાણકારી આપી છે. તેણે પોતાની પોસ્ટમાં પહેલી દીકરી મીશા સૂતેલી છે અને તેની બાજુમાં બલૂન્સ દોરેલા છે. આ બલૂન્સની ઉપર ‘બીગ સિસ્ટર’ લખેલું છે. આ પરથી સમજી શકાય છે કે મીરા ફરીથી માતા બનવાની છે અને મીશા મોટી બહેન બનવાની છે.