અમિતાભના 'કૌન બનેગા કરોડપતિ'ની 10 સિઝન હશે ખાસ, દેખાશે આ ચહેરાઓ

KBC-10નો પ્રૉમો પણ ટ્વીટર પર શેર કરવામાં આવ્યો છે. આ શૉ 3 સપ્ટેમ્બરથી દર્શકોને ટીવી સ્ક્રીન પર દેખાશે. શૉ સોમવારથી રવિવાર રાત 9 વાગે ઓન એર થશે.

નવી દિલ્હીઃ બચ્ચનના પૉપ્યૂલર રિયાલિટી ટીવી શૉ કૌન બનેગા કરોડપતિ એટલે કે કેબીસીની 10 સિઝન સપ્ટેમ્બરમાં ઓન એર થશે, આનું શૂટિંગ શરૂ થઇ ચૂક્યું છે.

તાજેતરમાં જ અમિતાભે ટ્વીટર પર સમાજસેવી પ્રકાશ આમ્ટે અને તેની પત્ની મંદાકીની આમ્ટેની તસવીર શેર કરી, તે કર્મવીર નામના સ્પેશ્યલ એપિસૉડનો ભાગ બનશે. અમિતાભે પોતાના બ્લૉગમાં લખ્યું, "બે સામાન્ય લોકોની સાથે સમય વિતાવવો પ્રેરણાદાયી અને ભાવનાત્મક રહ્યો. લાંબા સમય બાદ આવું બન્યું છે. બાબા આમ્ટેના પુત્ર પ્રકાશ આમ્ટે આદિવાસીઓની વચ્ચે રહીને તેમને સેવા કરી રહ્યાં છે."

ઉલ્લેખનીય છે કે અમિતાભના આ શૉનું 18મું વર્ષ થઇ ગયા છે. અમિતાભે ટ્વીટ કરીને કહ્યું કે, "કેબીસી ફરીથી શરૂ, આના 18 વર્ષ થઇ ગયા છે અને હવે 10મી સિઝન આવી રહી છે. આનાથી જુનો સંબંધ રહ્યો છે. તમારા પ્રેમ અને સપોર્ટ વિના આ સંભવ ન હતું.'