આ કારણથી રામ ચરણને જૂનિયર NTR કરતાં વધુ સ્ક્રીન ટાઈમ મળ્યો, ડાયરેક્ટર રાજામૌલીએ કર્યો ખુલાસો
એસએસ રાજામૌલીની ફિલ્મ RRR બોક્સ ઓફિસ પર ધમાલ મચાવી રહી છે. રામ ચરણ અને જુનિયર એનટીઆરએ ચાહકોને તેમના અભિનયથી દિવાના બનાવ્યા છે.
એસએસ રાજામૌલીની ફિલ્મ RRR બોક્સ ઓફિસ પર ધમાલ મચાવી રહી છે. રામ ચરણ અને જુનિયર એનટીઆરએ ચાહકોને તેમના અભિનયથી દિવાના બનાવ્યા છે. આ ફિલ્મ 1000 કરોડની ક્લબમાં સામેલ થઈ ગઈ છે અને ઘણી ફિલ્મોના રેકોર્ડ તોડી નાખ્યા છે. રામ ચરણ અને જુનિયરની ફિલ્મ વિશ્વવ્યાપી હિટ બની છે. જો રિપોર્ટ્સનું માનીએ તો રામ ચરણને ફિલ્મમાં જુનિયર એનટીઆર કરતાં વધુ સ્ક્રીન ટાઈમ મળ્યો છે. એસએસ રાજામૌલીએ હવે આ અંગે પ્રતિક્રિયા આપી છે.
એસએસ રાજામૌલીએ એક ઈન્ટરવ્યુમાં કહ્યું છે કે, જો બંને સ્ટાર્સ રામ ચરણ અને જુનિયર એનટીઆરને સરખા બતાવવામાં આવ્યા હોત તો RRR આટલી મોટી સુપરહિટ સાબિત ન થઈ હોત. તેમણે જણાવ્યું કે, શા માટે રામ ચરણને ફિલ્મમાં મોટો રોલ આપવામાં આવ્યો.
એસએસ રાજામૌલીએ કારણ જણાવ્યુંઃ
એસએસ રાજામૌલીએ બોલિવૂડ હંગામાને આપેલા ઈન્ટરવ્યુમાં કહ્યું કે, રામ ચરણને તમામ પ્રશંસા મળી છે તેવું કહેવું યોગ્ય નથી. એક દિગ્દર્શક તરીકે, બંને કલાકારોએ જે કામ કર્યું છે તેનાથી હું ખુશ નથી થઈ શકતો પણ તમે જુઓ છો કે એક અભિનેતાએ બીજા કરતા વધુ સારું કામ કર્યું છે. ઉદાહરણ તરીકે, રામ ચરણને ક્લાઇમેક્સમાં વધુ જગ્યા આપવામાં આવી છે કારણ કે તે છેલ્લી વસ્તુ છે જેની સાથે તમે બહાર જાઓ છો, જેનાથી એવું લાગે છે કે તારક (જુનિયર એનટીઆર) કરતાં રામ ચરણ ઉપર વધુ ધ્યાન ગયું છે.
એસએસ રાજામૌલીએ વધુમાં કહ્યું કે જો મેં કોમારામ ભીમ પરની ફિલ્મ બંધ કરી દીધી હોત તો એવું લાગત કે રામ ચરણ માત્ર એક બાજુનો ભાગ હતો અને તારકે સ્ક્રીનની બધી જ જગ્યા લઈ લીધી હોત. વાર્તાકાર તરીકે, તમારે આવા નિર્ણયો લેવાની જરૂર નથી. પ્રેક્ષક તરીકે તમે પાત્ર વિશે શું અનુભવો છો તે હંમેશા વિચારવું જોઈએ. રાજામૌલીએ છેલ્લે કહ્યું હતું કે જો ફિલ્મમાં બંને કલાકારો વચ્ચે પરફેક્ટ બેલેન્સ જોવા મળ્યું હોત તો ફિલ્મ 1000 કરોડનો બિઝનેસ કરી શકી ન હોત. RRR 1000 કરોડ ક્લબમાં સામેલ થવા સાથે, તે ભારતીય સિનેમાની ત્રીજી સૌથી વધુ કમાણી કરનાર ફિલ્મ છે.
ટ્રેન્ડિંગ સમાચાર
ટોપ સ્ટોરી
