સુશાંત સિંહના નિધનથી બોલીવૂડ શોકમાં, સંજય દત્ત, અજય દેવગન, દિશા પટની, નવાઝુદ્દીન સહિતના સ્ટાર્સે આપી શ્રદ્ધાંજલિ

અભિનેતાના નિધન પર સમગ્ર બોલીવૂડ શોકમાં ગરકાવ થયું છે. સંજય દત્ત, નવાઝુદ્દીન સિદ્દીકી, દિશા પટણી સહિતના સ્ટાર્સે સુશાંત સિંહેના શ્રદ્ધાંજલિ પાઠવી છે.

મુંબઈ: બોલીવૂડ અભિનેતા સુશાંત સિંહ રાજપૂતે 34 વર્ષની વયે મુંબઈના પોતાના ઘરે આત્મહત્યા કરી લીધી છે. અભિનેતાના નિધન પર સમગ્ર બોલીવૂડ શોકમાં ગરકાવ થયું છે. સંજય દત્ત, નવાઝુદ્દીન સિદ્દીકી, દિશા પટણી સહિતના સ્ટાર્સે સુશાંત સિંહેના શ્રદ્ધાંજલિ પાઠવી છે.

બોલીવૂડ અભિનેતા સંજય દત્તે અભિનેતાના નિધન પર દુખ વ્યક્ત કર્યું છે. સંજય દત્તે ટ્વિટ કરતા લખ્યુ, 'શબ્દો નથી મળી રહ્યા. સુશાંત સિંહ રાજપૂતના મૃત્યુ વિશે સાંભળીને દુઃખ થયું. તેમના પરિવારને મારી સહાનુભૂતી.'

અભિનેતા નવાઝુદ્દીન સિદ્દીકીએ પણ અભિનેતા સુશાંત સિંહના નિધન પર દુખ વ્યક્ત કર્યું છે. નવાઝુદ્દીને લખ્યું, 'મને ભરોસો નથી થતો, આ ઘણું શોકિંગ છે. સુંદર એક્ટર અને સારા મિત્ર આ દિલ તોડનારું છે દોસ્ત તેમના પરિવાર અને મિત્રોને હિંમત આપે.'

બોલીવૂડ અભિનેતા અજય દેવગને ટ્વિટ કરતા લખ્યું, સુશાંત સિંહ રાજપૂતના ન્યૂઝ ઘણા સેડ છે. ઘણી મોટી ખોટ પડી. તેના પરિવારને હિંમત આપે. ભગવાન એની આત્માને શાંતિ આપે.

ધોની બાયોપિકની કો સ્ટાર દિશા પટણીએ ફિલ્મ તસવીર શેર કરી છે.

અભિનેત્રી સોનાક્ષી સિન્હાએ ટ્વિટ કરતા લખ્યું, 'શબ્દોમાં ન વર્ણવી શકાય એટલું દુઃખ રેસ્ટ ઈન પીસ સુશાંત. તમને ક્યારેય ખબર નથી કે કોઈ કઈ સ્થિતિમાંથી પસાર થઇ રહ્યું છે, તેમના પરિવાર અને ચાહનારા પ્રત્યે મારી સંવેદના.'