10 કરોડ લોકોને સસ્તા સ્માર્ટફોન આપવાની તૈયારીમાં છે જિયો, આ કંપની સાથે થઈ રહી છે વાતચીત, જાણો વિગત

કંપનીનું પ્લાનિંગ સસ્તા સ્માર્ટફોન સાથે આ માર્કેટ પર કબજો કરવાનું છે. 10 કરોડ સ્માર્ટફોન માટે રિલાયન્સ ફ્લેક્સ સાથે વાત કરી રહી છે પરંતુ કંપનીની નજર દેશના 50 કરોડ ફીચર ફોન ગ્રાહકો પર છે. જેને કંપની સ્માર્ટફોન પર લાવવા માંગે છે. જોકે, જિયો તરફથી આ મામલે કોઈ સત્તાવાર નિવેદન આપવામાં આવ્યું નથી.

ઈકોનોમિક્સ ટાઇમ્સના અહેવાલ મુજબ જિયો 10 કરોડ સ્માર્ટફોન માટે ફ્લેક્સ સાથે વાત કરી રહી છે. આ કંપની ઓર્ડર મળ્યા બાદ જ સ્માર્ટફોન બનાવે છે. રિપોર્ટમાં એમ પણ જણાવાયું છે કે કંપની હવે ખુદ સ્માર્ટફોન વેચવાની તૈયારી કરી રહ્યું છે.