આ એપ્લિકેશન કરી રહી છે તમારા વ્હોટ્સએપની જાસૂસી, ફોનમાં હોય તો આજે જ કરો અનઇન્સ્ટોલ

નવી દિલ્હીઃ મેસેન્જર એપ વ્હોટ્સએપની જાસૂસી કરતી એપ્લિકેશનની જાણકારી મળી છે. ભારત સહિત વિશ્વભરમાં વ્હોટ્સએપના કોરોડો યૂઝર છે અને તેની જાસૂસી કરનાર એપ વિશે લોકોને અવગત કરાવવામાં આવી રહ્યા છે. એક અંગ્રેજી વેબસાઈટ અનુસાર ચેટવોચ નામની એપ વ્હોટ્સએપના તમામ સુરક્ષાને તોડીને તેની જાસૂસી કરે છે. આ એપ દ્વારા વ્હોટ્સએપ પર ઓનલાઈન અથવા ઓફલાઈન સ્ટેટસની જાણકારી મેળવી શકાય છે.

એક વેબસાઈટ મુજબ ચેટવોચ 24 કલાકમાં જ પોતાનું કામ બતાવવા લાગે છે. જો તે એપ સ્ટોરમાં છે તો ભારતમાં તેના એન્ડ્રોઈડ એપ માટે તમારે 140 રૂપિયાની કિંમત ચૂકવવી પડશે. જોકે કંપનીએ તેને માર્કેટમાંથી હટાવી લીધી છે. કહેવાઈ રહ્યું છે કે એપલે પણ એપ સ્ટોરમાંથી તેને હટાવી દીધી છે. વેબસાઈટે દાવો કર્યો છે કે તે એપના વેબ વર્જન પર કામ કરી રહી છે અને તે 1લી એપ્રિલથી લોન્ચ થઈ શકે છે.