ગુજરાતના આ સાંસદ ભાજપમાં ને દીકરો કોંગ્રેસમાં, ચૂંટણીમાં સગા દીકરા સામે ટકરાવા બાપ તૈયાર

ગુજરાતમાં ગ્રામ પંચાયતોની ચૂંટણીને લઇને રાજકીય માહોલ ગરમાયો છે ત્યારે આ મુદ્દો પંચમહાલમાં જ નહીં પણ ગુજરાતના રાજકારણમાં પણ ચર્ચાનો વિષય બન્યો છે. કોંગ્રેસે મહેશસિંહને મેદાનમાં ઉતારવાનું નક્કી કરી લીધું છે ત્યારે ભાજપનું વલણ હવે શું હશે તેના પર સૌની નજર છે.

ગોધરા: રાજકારણ સગાં વચ્ચે વેરઝેર ઉભાં કરી દે છે એવું કહેવાય છે ને એવો જ કંઈ ખેલ ગુજરાતમાં ભજવાયો છે. આ ખેલમાં સગા બાપ-દીકરા જ સામસામે આવી ગયા છે. આ વાત ગોધરાના સંસદસભ્ય પ્રભાતસિંહ ચૌહાણ અને તેમના પુત્ર મહેશસિંહ ચૌહાણની છે.