ગાંધીનગર: હોસ્પિટલમાં અર્ધબેભાન દર્દી યુવતી સાથે બે દિવસ સેક્સ માણી ડોક્ટરે સંતોષી હવસ

બળાત્કારી ડોક્ટર રમેશ ચૌહાણે પાકિસ્તાનના કરાચીની લિયાકત અલી કોલેજમાંથી એમબીબીએસ કર્યું હતું. છેલ્લાં ત્રણ વર્ષથી એપોલો હોસ્પિટલમાં નોકરી કરતો ચૌહાણ કુબેરનગરમાં પોતાના ભાઈ-ભાભી સાથે રહેતો હતો, વણકર ભાટ ગામનો છે.

ગાંધીનગર પાસેના ભાટમાં એપોલો હોસ્પિટલમાં દર્દી યુવતી પર બળાત્કારની શરમજનક ઘટનામાં વધારે ચોંકાવનારી વિગતો બહાર આવી છે. પોલીસ તપાસમાં બહાર આવેલી વિગતો પ્રમાણે યુવતી પર કુલ ચાર વાર બળાત્કાર ગુજારાયો હતો.

યુવતીની તપાસમાં તેના પ્રાઈવેટ પાર્ટ્સ પર ઈજાનાં નિશાન મળ્યાં છે. તેના મેડિકલ રીપોર્ટમાં પણ તેના પર બળાત્કાર ગુજરાયો હોવાની વાતને સમર્થન મળ્યું છે. યુવતીએ કાગળ પર લખીને પોતાના પરના અત્યાચારની વાત જણાવી હતી.

ડેંગ્યુની સારવાર લઈ રહેલી આ યુવતી પર ડોક્ટર બળાત્કાર ગુજારતો ત્યારે સ્વીપર કોઈ આવી ના જાય તેનું ધ્યાન રાખતો અને સ્વીપર પોતાની હવસ સંતોષતો ત્યારે ડોક્ટર ચોકીદારી કરતો હતો. આ રીતે બંનેએ યુવતીને શિકાર બનાવી હતી.

બંને હવસખોરોએ 3 અને 4 સપ્ટેમ્બરે યુવતીને પોતાની હવસનો શિકાર બનાવી હતી. યુવતીને દાખલ કરાઈ ત્યારે તેને શ્વાસ લેવામાં તકલીફ પડતી હતી. યુવતીએ ઓક્સિજન માસ્ક પહેરેલો હતો છતાં હવસખોરોએ તેના પર બળાત્કાર કર્યો હતો.

આ કેસના આરોપી એવા પાકિસ્તાન ડોક્ટર રમેશ ચૌહાણ અને સ્વીપર ચંદ્રકાન્ત વણકરે અર્ધબેભાન યુવતી સાથે બે દિવસમાં બે-બે વાર સેક્સ સંબંધ બાંધીને પોતાની હવસ સંતોષી હતી. આ પાશવી કૃત્ય સામે ચોતરફથી ફિટકાર વરસી રહ્યો છે.