દારૂ પીશો તો 3 વર્ષની કેદ પણ ભાંગ પીશો તો ચાલશે, ભાંગને નશો નહીં ગણવા સરકારે શું આપ્યું કારણ?

નશાબંધી અંગેના નવા કાયદા મુજબ પોલીસ રેડમાં ઝડપાયેલા વાહનોને જપ્ત કરીને રાજયસાત કરવામાં આવશે. જાડેજાએ ઉમેર્યું કે સરહદી રાજયોમાં દારૂબંધી ન હોવાથી ગુજરાતમાં જે રીતે દારૂનું દૂષણ વધ્યું તેના કારણે વધુ કડક જોગવાઇ સૂચવતા કાયદાની જરૂર હતી તેથી આ કાયદો લવાયો છે.

આ કાયદાનો વટહુકમ બહાર પડયા બાદ બે માસમાં નશો કરીને વાહનો ચલાવતાં થતા અકસ્માતના પ્રમાણમાં 19 ટકાનો ઘટાડો થયો છે જ્યારે વિદેશી દારૂના 1769, હેરફેરના 498 કેસ દાખલ કરી 7.56 લાખથી વધુ વિદેશી દારૂની બોટલો સાથે 17.22 કરોડની કિંમતના 699 વાહનો જપ્ત કરી 2257 આરોપીઓની ધરપકડ કરાઈ છે.