સમગ્ર ગુજરાતમાં ભારે વરસાદ, ટંકારામાં ત્રણ કલાકમાં 8 ઈંચ વરસાદ

ગીર સોમનાથમાં ભારે પવન સાથે વરસાદ વરસ્યો છે... વેરાવળના મુખ્ય બજાર સુભાષ રોડ સહિતના વિસ્તારોમાં પાણી ભરાયા છે.. નીચાણ વાળા વિસ્તારોમાં પાણી ભરાઇ જવાને કારણે વેપારીઓમાં પાલીકા સામે રાષ જોવા મળ્યો... ગીર સોમનાથમાં વરસાદના આગમનને લઇ ખેડૂતોમાં પણ આનંદની લાગણી છવાઇ છે.. આ વરસાદથી ખેડૂતો સારા પાકની આશા રાખી રહ્યા છે..

બનાસકાંઠામાં સાંબેલાધાર વરસાદ રહ્યો છે. ગુજરાતમાં સૌથી વધુ અસર બનાસકાંઠા જિલ્લામાં જોવા મળી રહી છે. થરાદ તાલુકા ઉપરાંત સુઈગામમાં પણ વરસાદી કહેર જોવા મળી રહ્યો છે. સરહદી વિસ્તાર સુઈગામમાં વરસાદી પાણી ભરાયા છે. ભારે વરસાદને કારણે રોડ પર પાણી ફરી વળ્યાં છે. જેને કારણે વાહન વ્યવહારને તો અસર પડી છે સાથે જ કહેર પણ જોવા મળી રહ્યો છે. સુઈગામ રોડ પર વરસાદી પાણીમાં ટ્રક પલટી ગઈ હતી. જે દ્રષ્યોમાં નજરે પડે છે.