છોટાઉદેપુરઃ યુવકને મોટી ઉંમરની યુવતી સાથે બંધાયા સંબંધ, પતિને પડી ખબર ને પછી શું આવ્યો અંજામ?

પોતાની પત્ની સાથેના રેસીંગના સંબંધોથી કંટાળી અંતે આરોપીએ ત્રણ દિવસ અગાઉ રેસીંગને એકાંત જગ્યાએ મળવા બોલાવી તિક્ષ્ણ હથિયારથી રેસીંગનું ગળું કાપી હત્યા કરી નાખી હતી. હત્યાના બનાવમાં આરોપીને તેના કૌટુંબિક ભાઈએ પણ મદદ કરી હતી. હાલ તો પોલીસે આરોપીને પકડી પાડી અન્ય આરોપીને પકડવાના ચક્રો ગતિમાન કર્યા છે.

છોટાઉદેપુર તાલુકાના ડોલરીયા ગામ પાસેના સુકેટ કોતરમાંથી ગઇકાલે યુવાનનું ગળુ કપાયેલી હાલતમાં લાશ મળી આવી હતી. તપાસ કરતાં મૃતક યુવકનું નામ રેસીંગભાઈ કેશવલાલ ધાણુક (ઉ.વ.20) હોવાનું જાણવા મળ્યું હતું. યુવક ઉગકમણી ફળિયામાં ડોલરીયા ખાતે રહેતો હતો.