ભરૂચમાં અર્ધનગ્ન હાલતમાં યુવાન 130 ફૂટ ઊંચા મોબાઈલ ટાવર પર કેમ ચઢ્યો? જાણો વિગતે

મોબાઇલ ટાવરની ટોચ પર પલાઠીવાળી પ્રવિણ ચૌધરી બેસી રહ્યો હતો. તેણે દક્ષિણ દિશામાં નર્મદા નદી તરફ મુખ રાખી ધ્યાન અને યોગની મુદ્રા પણ કરતાં લોકોમાં કૂતુર્હલ સર્જાયું હતું.

ટાવર પર યુવાન ચઢી ગયો હોવાની જાણ કરવામાં આવતાં નગરપાલિકા તથા આરોગ્ય વિભાગની ટીમ સ્થળ પર ઘટનાસ્થળે દોડી આવી પહોંચી હતી. બનાવને પગલે ટાવરની આસપાસ લોકોનાં ટોળાં એકત્ર થઈ ગયાં હતાં. 130 ફૂટ ઊંચા ટાવર સુધી પહોંચવા માટે કોઈ સાધન ન હોવાથી બચાવ કામગીરીમાં વિધ્ન ઉભું થયું હતું. જોકે બે કલાકના હાઈ વોલ્ટેજ ડ્રામા બાદ યુવાન જાતે જ નીચે ઉતરી ગયો હતો. તેને સારવાર માટે સિવિલ હોસ્પિટલ ખાતે ખસેડવામાં આવ્યો હતો. જ્યાં તેની સારવાર માટે મનોચિકિત્સકને બોલાવવામાં આવ્યાં હતાં.