જાણો પાટણમાં હાર્દિકે શું આપી ભાજપને ચીમકી, કહ્યુ- બીજા બે દેશદ્રોહના કેસ કરો, ડરતો નથી

હાર્દિકે જણાવ્યું કે, અનામત માટે અમિત શાહ અને વિજય રૂપાણીને પ્રુફ આપ્યા છે. છતાં અનામત મળી નથી. મારા પર દેશદ્રોહના બે કેસ છે હજુ લાગતા હોય તો પણ લગાડો જીવવું છે તો સન્માનથી. મને કોઇનો ડર લાગતો નથી. સરપંચથી પાર્લામેન્ટ સુધીની સીટો ખાલી કરવાની અમારામાં તાકાત છે.

પાટણ: શુક્રવારે પાટીદાર નેતા હાર્દિક પટેલે પાટણમાં સંબોધન કર્યુ હતું. અનામત આંદોલનના પ્રથમ તબક્કામાં પાટણ શહેરના મહત્વની ભૂમિકા ભજવનારા અંબાજી નેળીયા વિસ્તારમાં પાસે નેતા હાર્દિક પટેલે શુક્રવારે રાત્રે આક્રમક શૈલીમાં પાટીદારોની મેદનીને સંબોધી હતી. સંબોધનમાં હાર્દિકે ઘરમાં સોનું નહી પણ ગન રાખતાં અને લાકડી ફેરવતાં શીખી જવા હાકલ કરી હતી અને કહયું હતું કે આ આંદોલનની શરુઆત પાટણથી થઇ ચૂકી છે તેવી આશા તમારી પાસે રાખું છું.