ગુજરાત ભાજપના ક્યા ટોચના નેતા દારૂ પીધેલી હાલતમાં ઝડપાયા? જાણો વિગત

પોલીસે ભાજપના મહામંત્રી રણજીતસિંહ ચૌહાણની 3 લાખની કાર જપ્ત કરી છે અને પોલીસે વધુ તપાસ હાથ ધરી છે.

બાકાસર ત્રણ રસ્તા નજીક મહામંત્રી તેમની ગાડી સાથે પોલીસે ઝડપી પાડ્યા હતાં. પોલીસે કાર પકડતાં જ લોકોનું ટોળું વળી ગયું હતું. જોકે તે સમયે ભાજપના મહામંત્રી પીધેલી હાલતમાં પકડાયા હતાં.

બનાસકાંઠાના વાવમાં ભાજપના મહામંત્રી રણજીતસિંહ ચૌહાણ દારૂ પીધેલી હાલતમાં પકડાતાં સમગ્ર વિસ્તારમાં ચર્ચાનો વિષય બન્યો હતો. ભાજપના મહામંત્રી દારૂ પીધેલી હાલતમાં પકડાતાં એવી પણ ચર્ચા ચાલી રહી છે ભાજપ ત્રણ રાજ્યોમાં ચૂંટણી હારી રહી છે તેના ગમમાં તેમણે દારૂ પીધો હતો.

પાલનપુર: ગુજરાતમાં દારૂબંધી હોવા છતાં પણ લોકો દારૂની મજા માણતાં હોય તેવું ઘણીવાસ સામે આવ્યું છે. છાશવારે પોલીસ દારૂ પીને છાટકા બનેલા લોકોની ધરપકડ કરતી હોય છે છતાં પણ લોકો દારૂ પીતા હોય છે. તો આવો જ એક કિસ્સો બનાસકાંઠાના વાવના ભાજપના મહામંત્રી દારૂ પીધેલી હાલતમાં ઝડપાયા છે.