કચ્છ: ભચાઉ હાઈવે પર કાર અને ટ્રેલર વચ્ચે ગંભીર અકસ્માત, 10નાં મોત

અકસ્માત એટલો ગંભીર હતો કે 10 લોકોનાં મોત થયા છે. કારમાંથી પોલીસે લોકોનાં મૃતદેહ બહાર કાઢ્યા હતા. આ સાથે જ આશંકા વ્યક્ત કરવામાં આવી રહી છે કે મૃત્યુઆંક વધી શકે છે.

કચ્છના ભચાઉ નજીક ઇનોવા કાર અને બે ટ્રેલર વચ્ચે અકસ્માત સર્જાયો હતો. ભચાઉથી મીઠુ ભરેલું ટ્રેલર કંડલા તરફ જઈ રહ્યું હતું ત્યારે અચાનક ટાયર ફાટતા ટ્રેલર પલટી ખાઈને ડિવાઈડર કૂદીને સામેના રોડ તરફ જતી કાર પર પડ્યું હતું. કારની પાછળ સિમેન્ટ ભરેલું બીજુ ટ્રેલર આવતું હતું જેના કારણે કાર આ બે ટ્રેલર વચ્ચે પડીકું વળી ગઈ હતી.