રાજ્યમાં 10 લાખથી વધુ યુવાનો અપરણિત, જાણો કેમ સર્જાઈ આ પરિસ્થિતિ

સમાજ શાસ્ત્રીઓનું માનવું છે કે આ એક ગંભીર સમસ્યા છે અને તે મહિલા-પુરૂષ વચ્ચેના ભેદભાવથી ઉદ્ભવી છે.

અમદાવાદ: મહિલા અને પુરૂષના ભેદભાવની અસર સમાજ અને લગ્ન જીવન પર થઈ રહી છે. એક માહિતી મુજબ રાજ્યના 10 લાખથી વધુ યુવાનો અપરણિત છે. અપરણિત યુવતીઓની સંખ્યા 2.90 લાખ છે.

આ પરિસ્થિતિ ઉદભવવાનું કારણ પુરૂષોની સરખામણીએ મહિલાઓનો ઘટતો જતો જન્મદર છે. ગુજરાતમાં 1000 પુરૂષોની સરખામણીએ મહિલાઓનો સરેરાશ જન્મદર 947 છે.

2011ની વસતી ગણતરીમાં અપરણિત યુવાનોની સંખ્યા 9.16 લાખ હતી. 25થી 34ના વયજૂથમાં બે મહિલાઓની સરખામણીએ સાત પુરૂષો અપરણિત છે.