લોકરક્ષણ દળની પરીક્ષા રદ્દ થતાં પરત ફરી રહેલા એક યુવક-મહિલાનું અકસ્માતમાં મોત, જાણો વિગત

કચ્છનાં ભચાઉ-ભૂજ હાઇવે પર લોકરક્ષકદળની પરીક્ષા આપી પરત ફરી રહેલા પરીક્ષાર્થીઓની કાર પલટી ખાતા તેમની સાથે આવેલી 50 વર્ષીય મહિલાનું મોત નિપજ્યું હતું. ભુજથી ટંકારા પરત જતી વખતે કાર પલટી તેમનું મોત થયું હતું જ્યારે અન્ય 5 લોકો ઘાયલ થયા હતા.

મહેસાણાથી અમદાવાદ લોકરક્ષક દળની પરીક્ષા માટે આવેલા યુવાનનું બસની ટક્કર વાગવાથી મોત નિપજ્યું છે. મહેસાણાથી જતિનસિંહ પ્રદીપસિંહ વિહોલ નામનો યુવાન અમદાવાદ ખાતે લોકરક્ષકદળની પરીક્ષા આપવા માટે આવ્યો હતો.