વલસાડમાં ટેમ્પો સાથે કાર અથડાતાં બે NRI સહિત છનાં મોત

મળતી વિગતો અનુસાર, લગ્ન પ્રસંગમાં હાજરી આપવા ગયેલા બે એનઆરઆઈ કેનેડાથી ગણદેવી આવતા હતા ત્યારે આ અકસ્માત થયો હતો. પ્રાપ્ત વિગતો મુજબ અકસ્માતગ્રસ્ત ટેમ્પો મુંબઈ હાઈવે તરફ જઈ રહ્યો હતો, જ્યારે કાર મુંબઈથી નવસારી આવી રહી હતી.

ટેમ્પો અને કાર વચ્ચે ભયંકર અકસ્માત સર્જાયો હતો જેમાં કારનો ભૂક્કો વળી ગયો હતો. જેમાં 6 લોકોના મોત નિપજ્યા હતાં.

આ દરમિયાન કાર ડિવાઈડર કૂદીને સામેથી આવી રહેલા ટેમ્પો સાથે અથડાઈ હતી જેના કારણે અકસ્માત સર્જાયો હતો. આ અંગે જાણ થતાં જ પોલીસ તાત્કાલિક ઘટનાસ્થળે આવી પહોંચી હતી અને વધુ તપાસ હાથધરી હતી.

વલસાડઃ વલસાડના સરોધી ગામ પાસે ટેમ્પો અને કાર વચ્ચે થયેલા એક અકસ્માતમાં છ લોકોના મોત થયા છે. મૃતકોમાં બે NRIનો સમાવેશ થાય છે જ્યારે 5 લોકો ગંભીર રીતે ઘાયલ થયા હતા. મૃતકોમાં ત્રણ મહિલાઓ અને ત્રણ પુરુષોનો સમાવેશ થાય છે.