નોટબંધીનો આજે 40મો દિવસ, રવિવાર હોવાના કારણે જાણો ક્યાંથી કાઢી શકશો કેશ

જેટલીનું માનીએ તો નોટબંધી પછી કેશલેસ ટ્રાંસજેક્શનમાં વૃદ્ધિ થઈ છે. જેના કારણે દેશમાં ઓછી કેશ ઉતારવાનો નિર્ણય કરવામાં આવ્યો છે.

આ તમામ વાતો વચ્ચે સરકારે એ સ્પષ્ટ કરી દીધું છે કે નોટબંધી પછી જેટલી રોકડ પાછી બેંકોમાં જમા થઈ છે, તેટલી જ નવી નોટ બજારમાં ઉતારવામાં આવશે નહીં. એક સમારોહને સંબોધિત કરતા નાણામંત્રી અરૂણ જેટલીએ આ વાતનો સંકેત આપ્યો છે.

સરકારના મતે નોટબંધી પછી અત્યાર સુધીમાં કુલ સાડા પાંચ લાખ કરોડ રૂપિયાની નવી નોટ બજારમાં આવી ચૂકી છે. આર્થિક મામલોના સચિવ શક્તિકાંત દાસે દેશની સ્થિતિને જોતા કહ્યું કે, ટૂંક સમયમાં કેશની મુશ્કેલી દૂર થશે.

નવી દિલ્લી: નોટબંધીનો આજે 40મો દિવસ છે. સરકારનું માનીએ તો મુશ્કેલી ઘટવામાં હજી 12 દિવસ બાકી છે. સરકાર કહી રહી છે કે જલ્દીથી બધુ સામાન્ય થઈ જશે. પરંતુ આજે રવિવાર હોવાના કારણે બેંકો બંધ રહેશે, જેના કારણે દેશભરના લોકોને કેશ કાઢવા માટે મુશ્કેલી ઉભી થશે. પરંતુ તમે એટીએમ અને પેટ્રોલ પંપ ઉપરથી આજના દિવસે પણ કેશ મેળવી શકો છો.